InfoHub Logo

Qaı eldiń bolmasyn damýynda ulttyq mádenıetti órkendetýdiń mańyzy orasan zor. Qazaq eli de osy jolmen júrip keledi. Mádenıeti damymaǵan halyqtyń keleshegi de joq. Tek ulttyq mádenıetin órkendetkende ǵana damýdyń jolyna túsetini haq. Mádenıettiń aýqymy óte keń. Onyń aıasynda san ǵasyrlyq ata-baba dástúrine saı qalyptasqan mádenıet jatady. Táýelsizdik alǵanymyzǵa bıyl ǵana jıyrma bes jyl bolǵanymen, álem jurtshylyǵy Qazaqstan degen el bar ekenin qaı salada bolmasyn moıyndap qaldy. «Qazaqstan-2050 bir maqsat, bir múdde, bir bolashaq» strategıasynda Elbasymyz qazaqstandyqtarǵa jańa beleske shyǵý jolyndaǵy naqty baǵyttar boıynsha naqty mindetter tujyrymdady. Sondaı-aq «Qazaqstan-2050» strategıasy – «Qalyptasqan memlekettiń jańa saıası baǵyty» joldaýynda «Biz ózimizdiń ulttyq mádenıetimiz ben dástúrlerimizdi osy áralýandyǵymen jáne ulylyǵymen qosyp qorǵaýymyz kerek, mádenı ıgiligimizdi bólshektep bolsa da jınastyrýymyz kerek» ekendigin atap ótken bolatyn. Soǵan sáıkes, mádenıet máseleleriniń ara-jigin kásibı turǵydan ashyp, ǵylymı dárejede negizdeıtin mádenıettaný salasynyń mańyzy orasan zor. «Elimizdiń erteńi-búgingi jas urpaqtyń qolynda, al jas urpaqtyń taǵdyry – ustazdyń qolynda» – dep elbasymyz N.Á. Nazarbaev aıtqandaı bilimdi, jan-jaqty qabiletti urpaqty tárbıeleý barlyǵymyzdyń mindetimiz.

Búgingi tańda qazaq eli 2030 jylǵa deıingi strategıalyq damý baǵdarlamasyn negizge ala otyryp, óziniń aldyna básekege barynsha qabiletti elý eldiń qatarynan kóriný maqsatyn qoıyp otyr. Bul oraıda, Prezıdent N.Á.Nazarbaev «Jas kásibı mamandar el ómirinde bolyp jatqan úderisterde óz ornyn taýyp, bolashaqty ornatýǵa belsendi qatysýy kerek», — dep atap kórsetken-di. Iaǵnı, qazirgi qazaq qoǵamynyń kópshiligi jastar. Kez-kelgen jaǵdaıda jastar qaýymy buqaralyq kúsh. Osyndaı jaǵdaıda jastar tárbıesi, mádenıeti aldyńǵy oryndaǵy másele bolyp sanalady. Mádenı ósý, bilim, tárbıe bolmaı qazirgi jastardyń ózin kemeldendirýi, qoǵamdy alǵa bastyrýy múmkin emes. Qazaq ultyn alǵa bastyrý da, artta qaldyrý da jastardyń qolynda. Sondyqtan, kez-kelgen adam ár isi men pikirinde adamgershilik, parasattylyq tanytyp, mádenıetti joldy tańdaǵany jón.

Fılosofıa ǵylymdarynyń doktory,
profesor Masalımova A.R
Ál-Farabı atyndaǵy
QazUÝ magıstranty Daýletova G.O

---