InfoHub Logo

Sabaqtyń taqyryby: Maǵjan Jumabaev «Túrkistan» óleńi
Sabaqtyń maqsaty:
a) bilimdilik: M. Jumabaevtyń ómir joly men jazýshylyq qyzmetinen maǵlumat berý. óleńderin túsinip jáne mánerlep oqýǵa kóńil bólý, óleńge satylaı keshendi taldaý jolyn meńgertý, ádebıet teorıasynan uǵymdy keńeıtý;
á) damytýshylyq. Oqýshylardyń mánerlep oqý daǵdysyn damytý, «Túrkistan» óleńi týraly alǵan bilimderin ár túrli tapsyrmalar arqyly júıeleý, óz pikirin erkin jetkizýge daǵdylandyrý;
b) tárbıelik: Oqýshylardy eljandylyqqa, adamgershilikke, tilimizdi qurmetteýge, ádebıetti súıýge tárbıeleý.
Sabaqtyń túri: Aralas sabaq.
Sabaqtyń tıpi: jańa bilimdi meńgertý.
Sabaqtyń ádisi: suraq – jaýap, mánerlep oqý, jańa tehnologıa elementteri arqyly túrlendirip ótkizý.
Sabaqtyń kórnekiligi: M. Jumabaev shyǵarmalar jınaǵy, óleńder jınaǵy, slaıdtar.
Sabaqtyń barysy:
Uıymdastyrý kezeńi.
Oqýshylarmen amandasý, túgendeý;
Synyp tazalyǵy;
Oqýshy nazaryn sabaqqa aýdarý.
Úı tapsyrmasyn tekserý.
Jańa sabaq. Maǵjan Jumabaevtyń «Túrkistan» óleńi
- Al, endi oqýshylar, búgingi sabaǵymyzǵa nazar aýdaralyq.
Arystanmyn, aıbatyma kim shydar?
Jolbaryspyn, maǵan qarsy kim turar?
Kókte – bult, jerde – jelmin gýlegen,
Jer erkesi – jeldiń jónin kim surar?-
- Bul óleń joldarynyń avtory kim, qane, esimizge túsirelik.
- Maǵjan Jumabaev.
- Endeshe, búgingi sabaǵymyzdyń taqyryby Maǵjan Jumabaevtyń «Túrkistan» óleńi. Dápterimizdi ashyp, búgingi kúnniń jady men taqyrypty jazaıyq.
- Esimizge túsirelik, Maǵjan kim?
- Óte jaqsy, Maǵjannyń qandaı óleńderin bilemiz?
-«Túrkistan», «Sorly qazaq», «Qazaǵym», «Kúz», «Tolqyn», «Ot», t. b.
«Álemdegi el ómiri aq qaǵazdaı baıqasań, -
Depti bir qart aqıqattyń qudiretine bas ıgen, -
Sol qaǵazda naqyl sóz ben aty qalǵan jaqsynyń,
Taýyp aıtqan sózderine adam túgil tas ıgen», - dep
Shyǵys juldyzy Ábdirahman Jámı jyrlaǵandaı, M. Jumabaev óleńderiniń qudiretine tabynbasqa bolmaıdy. Qazaq poezıasynyń jaryq juldyzy Maǵjan Jumabaevtyń qaı óleńin alsaq ta, adamnyń sezimin selt etkizip, oılaǵanyńdy dóp basyp aıtady.

1. Oı qozǵaý.
«Túrkistan» degen óleńi – elim, jerim, erim dep soqqan aqyn júreginiń qaınarynan tógilgen otanshyldyq jyrdyń shynaıy da sheber úlgisi.
Turan – kóne mádenıet besigi, sáýlet óneriniń keń saraı kórinisi. Neler uly aqyndar ordasy. Qazaq halqynyń ótkendegi tarıhy, taǵdyry, mádenıeti Turanmen ushtasyp jatyr.
M. Jumabaev - óz tilin, el dinin, mádenıetin, tarıhyn, jer – sýyn jetik biletin aqyn.
Interaktıvti taqtadan kóne Túrkistan sýretterin kórsetý.
Óleńdi oqý, taldaý.
M. Jumabaevtyń «Túrkistan» óleńin taratyp beremin.
1. Óleńdi mánerlep oqyp shyǵý.
2. Birneshe oqýshyǵa qaıtalap oqytý.
3. Óleńniń mazmuny týraly túsinigin qysqasha suraý.
Maǵjan – halqynyń bolashaǵyna sengen, keleshekten zor úmit kútken. Keıingi urpaq shýaqty kún shapaǵatyna bólenetinine senim bildirgen. Maǵjan – ultjandy aqyn. Ol búkil aqyndyq talantyn ultyna, Alashyna baǵyshtaǵan. Ol árdaıym halqynyń adal perzenti bolǵan. Alash jurtyn bólmeı, oǵan óz júrek jylýyn, jan lúpilin bildire jyrlaıdy. Óleń joldaryndaǵy ásem sóz marjandary oqýshyny sulýlyq álemine endirip, súıispenshilik sezimge bóleıdi. Aqynnyń bizge úlgi - ónege etken Túrkistannyń 1500 jyldyq mereıtoıy IýNESKO kóleminde toılandy. Toı 2000 jyly 19 qazanda ótti. Osynyń ózinen - aq Túrkistan jeriniń tarıhı tamyry tereńde jatqanyn baıqaýymyzǵa bolady.