InfoHub Logo

Naǵyz ustaz bolý — baqyt ári abyroı. Shyndyǵynda, muǵalim bolý ońaı bolyp kóringenmen, naǵyz ustaz bolý ekiniń biriniń qolynan kele bermesi anyq. Ómirde mamandyqtyń san túri bar, máselen: aspazshy, esepshi, satýshy, toqymashy, zańger, kitaphanashy, dáriger taǵysy taǵy bar tizbekteı berseń óte kóp. Biraq meniń tańdaýym bolashaq býyndardy oqytý men tárbıeleý isi, ıaǵnı ustazdyq mamandyǵy boldy. Árıne bul tańdaýyma áste ókinbeımin, kerisinshe sol jańaǵy aıtyp ketken mamandyq ıelerin oqytyp-toqytatyn osy biz, ustazdar qaýymy emes pe?! Sondyqtan óz isine berilgen, shákirtiniń janynan urquıa bilgen ustazdyń ómiri qashanda qyzyqty. Ulaǵatty ustazdar qataryna ený meniń aq basty maqsatym.

Anamnyń aıtýy boıynsha men bala kúnimnen osy mamandyqty rıasyz jaqsy kórsem kerek. Kún uzaq qýyrshaqtardy partaǵa tizip qoıyp muǵalim bolýdan jalyqpaǵan ekenmin.  Eseıe kele bul qylyǵym shynaıy armanǵa aınaldy. Mektep qabyrǵasynda júrgende de ustazdarǵa qyzyǵa qarap olardyń árbirin jan-júregimmen shyn jaqsy kóretinmin.   Búginde sol tálimgerlerime dán rızamyn, óıtkeni sol ustazdardyń arqasynda men 2017 jyly Pavlodar qalasyndaǵy B. Ahmetov atyndaǵy kolejdi oıdaǵydaı támamdadym. Dál osy jyly týǵan ólkem Ekibastuz qalasyna oralyp, 1-shi qyrkúıekten bastap  №5-shi JOBBM bastaýysh synyp oqýyshylaryna tálim berýge kiristim. Árıne jas maman bolǵansoń bilmeıtin tustarym bolyp jatady, biraq bul bilmestikterdi izdenisimniń arqasynda joıýǵa tyrysamyn. Muǵalimder qataryn tolyqtyryp otyratyn men sekildi jas mamandar da únemi izdenis ústinde bolyp, ár pándi joǵary deńgeıde, sapaly etip ótkizýge, eńbek jolyna abyroılyq artýǵa baryn salady. Muǵalimge artylǵan mundaı jaýapkershilikti árbir ustaz sezinedi dep bilem. Eń bastysy men óz mamandyǵymnan rýhanı kúsh alamyn. Oqý kezeńinen beri oqýshylaryma ábden úırenisip aldym. Maǵan bekitilgen synybymnyń yntymaǵy bekem, dostyǵy jarasqan bolýyna asa kóp kóńil bólemin. Mektepke kirgennen-aq oqýshylardyń júzderin kórip shattanyp qalamyn. Ár oqýshynyń oıyn erkin jetkize alatyndaı jaǵdaı jasaýǵa tyrysamyn, óıtkeni aldymyzǵa kelgen balalar bireýdiń mańdaı aldy jaryǵy, táýelsiz elimizdiń erkin azamattary.

Men — osy qıyn bolǵanymen qurmetti, aýyr bolǵanymen abyroıly — muǵalim mamandyǵyn tańdaǵanymdy maqtan etemin. Dúnıedegi mamandyq ataýlynyń tóresi bolǵan ustazdyq jolynda júrgen men ózimdi baqytty jandardyń biri sanaımyn.

El basy aıtqandaı, «ult bolashaǵy bilimdi urpaq qolynda». Sondyqtan da óz bilimimdi shyńdaý maqsatynda bıyl PMPI- da oqýymdy jalǵastyrýdamyn. Al ómirde meniń ustanǵan qaǵıdam: mejeli maqsatqa jetý úshin muǵalimder óz mindetin tıisti deńgeıde atqarýy qajet. Sonda ǵana bilimdi urpaq, bolashaqta bilikti maman bolyp shyǵatyny sózsiz.

 

  №5 JOBBM-niń

Bastaýysh synyp jetekshisi

Aldamjar Gýlzat Anýarqyzy

---