InfoHub Logo

Mamandyq – qarapaıym ómir súrý kózi bolyp tabylatyn jáne qandaı da bir daıyndyqty, jaýapkershilikti talap etetin eńbek qyzmetiniń mańyzdy bóligi. Ómirde tek eki nárseden qatelespeý kerek. Onyń biri jar tańdaýdan bolsa, ekinshisi mamandyq tańdaýdan. Bulaı aıtylýdyń sebebi seniń tańdaǵan mamandyǵyń seniń bolashaǵyń.

Adamdar mamandyqty júreginiń qalaýy boıynsha tańdaýy kerek. Óıtkeni, árbir adamnyń bolashaǵy tańdaǵan mamandyǵyna tikeleı baılanysty. Meniń júregim qalap tańdaǵan mamandyǵym ol - Islamtanýshy bolý. Men bul mamandyqtan ózimniń jarqyn bolashaǵymdy kórgen soń Ál Farabı atyndaǵy qazaq ulttyq ýnıversıtetindegi Islamtaný mamandyǵyn tańdadym. 

Islamtaný mamandyǵy týraly qysqasha aıta ketsem.  Mamandyǵymyzdyń basty maqsaty- din salasynda saýatty, tereńinen oılap, túıindi oı shyǵara alatyn, máselege jan-jaqty taldaý jasaı alatyn mamandar daıyndaý, elimizdegi tynyshtyq pen berekeni saqtaýǵa úles qosa alatyn bilikti mamandar daıyndap shyǵarý. Islamtaný – ıslam dininiń tarıhyn, qaǵıdalaryn, musylman halyqtarynyń mádenıetin, quqyǵyn, ekonomıkasyn zertteıtin dintanýlyq pán. Din tek senim júıesi emes, ol – ómir súrý máneri, qarym-qatynas ádebi, moraldyq normalar jıyntyǵy, jaqsy men jamandy, adal men aramdy ajyratýshy rýhanı qaǵıdalar júıesi. Sondyqtan, din máselesi – rýhanıat máselesi. Islamtanýdyń negizgi mindeti – ıslam dini, onyń rýhanı qundylyqtary, izbasarlarynyń baǵdarlary týraly halyqqa obektıvti aqparat usynýdy úıretý.«Islamtaný» mamandyǵy qoǵamdyq mańyzdylyǵy bar fenomen retinde jalpy júıelik bilim beretin pánder qataryna jatady.

Osy mamandyqtarǵa túsý úshin talapkerler arnaıy pánder boıynsha 2 shyǵarmashylyq emtıhan tapsyrady:
1) Kásipke jaramdylyǵyn anyqtaý úshin áńgimelesý;
2 )Islam negizderi boıynsha aýyzsha emtıhan.

Bul mamandyqty bitirgennen keıin:
Qazaqstan Respýblıkasy Bilim jáne ǵylym mınıstrliginiń Ǵylym komıteti Fılosofıa, saıasattaný jáne dintaný ınstıtýty;
Qazaqstan Respýblıkasy qalalarynyń jáne oblystarynyń ákimdikteri - Din isteri jónindegi basqarmasy;
Qazaqstan Respýblıkasy Din isteri jáne azamattyq qoǵam mınıstrligi;
Qazaqstan Respýblıkasy İshki ister mınıstrligi sıaqty beldi jerlerden tájirbıe men jumystan óte alasyz.

Dáris beretin ustazdarymyz teologıa salasynan oıyp turyp oryn alǵan bilikti jandar. Kafedramyzda oqý úshin barlyq jaǵdaılar jasylǵan. Stýdentter úshin sońǵy tehnologıalarmen qamtylǵan kabınetter, qazynaǵa mol kitaphana, izdegennin bári tabylady. QazUÝ – múmkindikter mekeni. Sizderdi, osy bir keremet mamandyqty bizdiń ýnıversıtetimizde oqýǵa shaqyramyn.

Qoryta aıtqanda, ál- Farabı babamyz «Tárbıesiz berilgen bilim adamzattyń qas jaýy» dep beker aıtpaǵan bolsa kerek. Bolashaq maman retinde aldymyzǵa qoıar maqsatymyz tártipti, bilimdi, sanaly urpaq tárbıeleý. Osy oraıda qara shańyraqtyń bizge úıreteri kóp.

Ál-Farabı atyndaǵy QazUÝ-niń "Islamtaný" mamandyǵy 2 kýrs stýdenti Ahmedov Jandos

---