InfoHub Logo

Maqal mátelder

Adam bir - birine qonaq.

At jaqsysyn maqta,
Adam jaqsysyn jaqta.

Adam qaıǵysy - zaman qaıǵysy.

Kúıesiz qazan joq,
Qaıǵysyz adam joq.

Jasyq adam jasyna jetpeı qartaıar,
Asyl adam jasyna jetpeı marqaıar.

On adam júrgen jerde iz qalady,
Júz adam júrgen jer - soqpaq,
Myń adam júrgen jerde jol qalady.

Kisini keıde tarshylyq synaıdy,
Keıde barshylyq synaıdy.

Árkimniń ózi shyǵar bıigi bar.

Jumsaq aǵash qurtqa jem,
Jumsaq adam jurtqa jem.

Beıtanys kisi -
Biteý jańǵaq.

Aqylsyz adam aıqaı keledi.
Jan - jaǵyn jaıpaı keledi.
Aqyldy adam jaı - jaı sóıleıdi,
Jan jaǵyn baıqaı keledi.

Qaǵazǵa til bitirgen - qalam,
Jansyzǵa jan bitirgen - adam.

Adam oıǵa toımas,
Bóri qoıǵa toımas.

Temir syryn otta tanytady,
Adam syryn joqta tanytady.

Jaman adam ketse,
Dúnıe keńip qalǵandaı.
Jaqsy adam ketse,
Dúnıe kemip qalǵandaı.

Jaqsy syılaǵannyń quly,
Jaman qoryqqannyń quly.

Jaqsynyń sońynan kóp eredi,
Jamannyń sońynan shóp eredi.

Adam degen ardaqty at.

Adamgershilikke arnalǵan úsh saýal bar:
Shólge qudyq qazǵan bir saýap,
Ózenge kópir salǵan bir saýap,
Jolǵa aǵash ekken bir saýap.

Eńbek adamnyń kórki,
Adam zamannyń kórki.

Bireý, bireýge súıeý.

Talaby joq jas -
Qanaty joq qus.

Ormansyz jer - jalańash,
Armansyz er - jalańash.

Adamnyń kúni adammen.

Biter istiń basyna,
Jaqsy keler qasyńa.

Syrlasýǵa dos jaqsy,
Syılasýǵa jat jaqsy.

Aq saýyttyń jaǵasy bar,
Jeńi joq.
Shyn jaqsynyń ashýy bar.
Kegi joq.

Aqylsyz atqa minse,
Atasyn basyp kete jazdaıdy.

Bolar adam – on besinde bas bolar,
Bolmas adam – qyryq besinde jas bolar.

Aıla altaý,
Aqyl jeteý,
Aıla men aqyl qosylsa,
Aldyrmaıtyn ekeý.

Ózin ǵana oılaǵan,
Jamandyqtyń belgisi.
Ózgeni de oılaǵan,
Adamdyqtyń belgisi.

Aqyldy ózinen kóredi,
Aqylsyz aǵaıynnan kóredi.

Aqymaq ishken - jegenin aıtady,
Aqyldy kórgen - bilgenin aıtady.

Kórgendi kisi,
Kórgenin aıtar.
Kórgensiz kisi,
Bergenin aıtar.

Jaqsynyń aıtqany kelmeıdi,
Jamannyń sandyraǵy keledi.

Bireýge or qazba, óziń túsesiń.

Jaman bolsa alǵanyń,
Shyn dosyń da shetteıdi.

Jaqsyny jamandasań,
Arýaǵy tasady.
Jamandy jamandasań,
Quty qashady.

Jylanǵa túk bitken saıyn,
Qaltyraýyq bolady.
Jamanǵa mal bitken saıyn,
Baqyraýyq bolady.

Basyńa is tússe,
Jaqsy kómek etedi,
Jaman kúlip ketedi.

Jaqsy óz basynan kóredi,
Jaman joldasynan kóredi.

Jaman adam tórshil.

Jaqsydan jaman týady,
Bir aıaq asqa alǵysyz.
Jamannan jaqsy týady,
Adam aıtsa nanǵysyz.

Jaman maqtansa qatynyn sabar.

Jaqsylyqqa jaqsylyq,
Ár kisiniń isi.
Jamandyqqa jaqsylyq,
Er kisiniń isi.

Jaqsy arman ozdyrar,
Jaman qulqyn tozdyrar.

Jaqsyǵa qylǵan jaqsylyq
Ómirińde tozbaıdy.
Jamanǵa qylǵan jaqsylyq
Bir kúngideı bolmaıdy.

Qudyqtan sý ishken,
Qazǵanǵa rahmet aıtady.
Aǵashty kóleńkelegen,
Ekkenge rahmet aıtady.

Bir kún tuzyn tatqanǵa, qyryq kún sálem.

Jaýyzǵa aıtqan jyly sóz -
Sýǵa jazǵan sertpen teń.

Ózim asyraǵan kúshigim ózimdi qapty.

Qadirińdi bilmeske
Qadamyńdy kóterme.

Bóri balasyn asyraǵanmen ıt bolmas.

Tarshylyqty kórmeseń kemshilikti bilmessiń.

Ózi bolǵan qyz tórkinin tanymaıdy.

Asharshylyqta jegen quıqanyń dámi ketpeıdi.

Sańyraýǵa sálem berseń "atańnyń basy" der.

Esekti otqa aıdasań, boqqa qashar.

Ómir – úlken mektep.

Oqý - bilim azyǵy,
Bilim – yrys qazyǵy.

Bilim basy - beınet, sońy - zeınet.

Oqyǵanyńdy aıtpa, toqyǵanyńdy aıt.

Bilimdige dúnıe jaryq.
Bilimsizdiń kúni kárip.

Kózi joq, qulaǵy saýdyń
Aqyly tolady.
Qulaǵy joq, kózi saýdyń
Aqyly solady.

Ómir - úlken mektep.

Ómirdiń ózi - uly ustaz.

Jerdiń sáni - egin,
Erdiń sáni - bilim.

Jer - yrystyń kindigi,
Bilim - yrystyń tizgini.

Bilimdi besikten tesikke deıin izden.

Óner - aǵyp jatqan bulaq,
İlim - janyp turǵan shyraq.

Bilimdi ólse,
Qaǵazda aty qalar.
Usta ólse,
İstegen zaty qalar.

Kitap - altyn qazyna.

Kóp jasaǵan bilmeıdi, kóp kórgen biledi.

Tilińmen júgirme, bilimmen júgir.

Kórgensiz degenge kek tutpa,
Kórgenińnen kórmegeniń kóp.

Ǵylym - teńiz, bilim - qaıyq.

Maqal mátel. júkteý