InfoHub Logo

Taýyq pen qaz dos bolypty. Qaz únemi maqtana beredi eken. Kúndegi ádetinshe taýyqpen kezdese sala taǵy da maqtana jóneldi:

— Men adamǵa óte paıdalymyn. Etim olarǵa azyq bolsa, júnimdi kórpe, jastyqqa paıdalanady. Basqa úı qustary men janýarlardan men artyqpyn, — dedi qoqılanǵan qaz.

Taýyq úndemesten oılanyp turdy da, dosyna:

— Qaz dosym, menimen birge erip júrshi, — dep aldyǵa tústi. Qaz balpańdap taýyqtyń sońynan erdi.

Ekeýi aldymen eshkiniń aldyna keldi. Taýyq eshkini kórsetip:

— Myna eshki adamǵa bizden de paıdaly. Súti — em, júni men terisi — kıim, eti — azyq. Jáne de eshki ony aıtyp eshqashan maqtanǵan emes, — dedi.

Endi ekeýi jylqynyń janyna keldi. Iesi onyń jalyn tarap tur edi. Taýyq qazǵa jylqyny kórsetip:

— Jylqyny adamdar bizden de qatty jaqsy kóredi. Kórdiń be, jalyn taraıdy, ústin jýady. Adamdarǵa jylqy minse — kólik, jese — azyq, súti — saýmal men qymyz, ıaǵnı, sýsyn, — dedi.

Taýyq qazdy sıyrǵa alyp bardy.

— Myna turǵan sıyrǵa da súısinemin. Sútinen adamdar aıran, qaımaq, maı, irimshik jasap jeı   di. Eti men terisin de ıgilikke paıdalanady. Sıyr degen úıdiń quty ǵoı, — dedi taýyq.

Qaz bolsa baǵanaǵy maqtanshaq minezine uıalyp qaldy. Taýyq:

— Qaz dosym, men kórsetken eshki de, jylqy men sıyr da osyndaı bola tura eshbir maqtanǵan emes. Ózderiniń mindetterin bilip, qarapaıym ómir súrip jatyr. «Eńbek ómirdi uzartady, maqtanshaqtyq betti qyzartady» degen osy, — dedi.

Sodan bastap qaz maqtanýyn qoıǵan eken.

---