InfoHub Logo

Mahambet Ótemisuly Isataıdan aıyrylyp jalǵyz qalyp júrgen kezde, Baımaǵambet han «Isataı júr» degen júrýshilerin jiberip, Mahambetti shaqyrtady. Suraý, aman-saý alyp otyrǵannan keıin Baımaǵambet aıtady:

— Aı, Isataıdyń jaýǵa alynaryn, ózińniń qańǵyryp qalaryńdy bilmediń be, hanyńmen qalaısha araz boldyń? Káne, baıan etshi, — deıdi. Jaýap:

— Eı, Baımaǵambet, Táńir ǵalam bolsa, elge bilim beredi, Táńir jaýyz bolsa, elge búlik túsedi, atańa nálet ózderińdeı jaýyz handardyń qarny jýan bılerdiń elimizge búlik túsirgenin, Isataıdyń jaýǵa alynǵany, meniń qańǵyp qalǵanym sol edi. Suraý:

— Eı, Mahambet, óz elińe syımadyń, Mańǵystaýǵa syımadyń, endi aspanǵa qystaımysyń, jer betinde saǵan endi oryn joq, — deıdi. Jaýap:

— Eı, Baımaǵambet, aspanda jańbyr bar deıdi, Edilde qalmaq bar deıdi, Jaıyqta kazak-orys bar deıdi. Narynnan han tóre qonysy bar ma edi, kel Jáńgirdi shaýyp óltirelik dep edim, Isataı erik bermedi, ózderińdeı jaýyz handardyń kózi, sirá, kórmedi, — deıdi. Suraý:

— Eı, Mahambet, taǵy ne aıtasyń, seni jyraý deıdi, biraz jyrlashy, — deıdi. Jaýap:

— Iá, Baımaǵambet, meniń tilim eki aıyr, biz bireýin kórip jatsaq, hanmyn dep qaıtesiń, men qańǵyrmyn dep qarap otyrmaspyn, seniń basyńdy kesem dermin, sen syqyldy qańǵyr ólse, eshteńe etpes. Ózderińdeı jaýyz han ólse, dúnıe bitpes. Men — aspandaǵy juldyz, Baımaǵambet qolyń jetpes, atańa nálet handardyń jaýyz qurbylardyń aıtqan sózi esten, sirá, ketpes, — deıdi. Sonan keıin munar-munat kún de bastap ketedi.

Oqýǵa keńes beremiz:

Jylqynyń torysy kóp pe, tóbeli kóp pe? (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym baty

---