Mektep dırektory Nursultan Nazarbaevqa qazaqtyń qara dombyrasyn syıǵa tartty
Búgin Aqordada Qazaqstannyń áıelder qaýymy ókilderimen «Kóktem shýaǵy» atty kezdesý barysynda Soltústik Qazaqstan oblysy Vozvyshenko orta mektebiniń dırektory Irına Sedova Elbasy Nursultan Nazarbaev dombyra syılady.
«Soltústik Qazaqstan oblysynyń Vozvyshenko aýylynan kelip otyrmyn. Bizdi alys-alys aýyldardan, elimizdiń túpkir-túpkirinen shaqyryp, osyndaı shýaqty kezdesý uıymdastyrǵanyńyz úshin Sizge alǵysym sheksiz. Bul biz úshin umytylmas tarıhı oqıǵa!
Qurmetti Nursultan Ábishuly, meniń qazaq tilin bilýim taǵdyryma erekshe áser etti. Qazirgi tańda ózim bilim alǵan mekteptiń dırektorymyn ári sonda qazaq tilinen sabaq beremin. Endi aǵylshyn tilin úırenip júrmin. Memlekettik tildi bilý árbir azamattyń paryzy desek, ózge bildi bilý óziń úshin kerek. Sondyqtan Sizdiń úsh tildi bilim berý bastamańyzdy qoldaımyn. Asa qurmetti Elbasy! Qazaqtyń sharshaǵanyn basatyn da, jan saraıyn ashatyn da qasıetti dombyra. Sizdiń dombyrany jaqsy tartatynyńyzdy bárimiz de bilemiz. Men sizge 9 pernesine Qazaqstandaǵy 9 mılılon áıeldiń ózińizge degen yqylasy sıatyn dombyra syılaǵym keledi», - deı kele ol Qazaqstan Prezıdentine dombyrany syıǵa tartty.
«Memlekettik tildi bilesiń, orys tilin bilesiń. Ózińniń ana tiliń nemis tilin de bilesiń. Jaraısyń!», degen Elbasy syıǵa tartqan dombyrany qabyl aldy.
You Might Also Like
-
Qyzylorda oblysy, Aral aýdany Bekbaýyl eldi mekeni, №65 orta mekteptiń 4 «B» klass oqýshysy: Altynbekuly Qurmanǵazy Jetekshisi: Kýshekbaeva Farıda Absatovna
-
Eginshilik júıesi — ósimdik sharýashylyǵy salasyn ǵylymı turǵydan júrgizý. Elimizdiń eginshilik júıesine belgili orys ǵalymy profesor A.N. Sonetov (1826-1901 jj.) ǵylymı negizde túsinik berdi. X...
