Aqtóbeniń Qarǵaly aýdanynda birde bir qazaq mektebi joq
Aqtóbeniń Qarǵaly aýdanynda 17 myńnan astam adam turady. Olardyń 32 paıyzy ózge ult ókili. Aýdandaǵy 17 mekteptiń úsheýi orys tilinde, ózgesi aralas tilde bilim beredi.
Aqtóbeniń Reseımen shekaras aýdandarynda qazaq tiliniń jaǵdaıy máz emes. Turǵyndarynyń 32 paıyzy ózge ult ókili sanalatyn Qarǵaly aýdanynda áli kúnge deıin birde bir qazaq mektebi joq.
«Aýdandaǵy úsh mektep orys tilinde, ózgesi aralas. Qarǵalynyń ortalyǵy Badamsha aýylynda bir mektep orys tilinde, bireýi aralas bolyp tur. Aralas mektep tórt jyldan keıin túgeldeı qazaq tiline aýystyrylady. Oǵan deıin buryn mektepke qabyldanǵan balalardyń bári bitirip shyǵady. Bala sany az bolǵan soń aýdan ortalyǵyndaǵy aralas tilde sabaq beretin bir mekteptiń ózin toltyra almaı otyrmyz»,- dedi aýdan ákimi Rahat Sydyqov. Onyń aıtýynsha, aldaǵy 2-3 jylda aýdan mektepteriniń 60 paıyzy qazaq tilinde bilim beredi degen jospar bar.
Aıta keteıik, Aqtóbeniń Qarǵaly aýdanynda 17 myńnan astam adam turady. Onyń 9 myńnan astamy ekonomıkalyq belsendi topqa kiredi.
You Might Also Like
-
Tabıǵat jasaǵan jaratylysynyń ár tynymsyz búlkili perzentine degen tek qana keshirim men meıirimnen turatyn bir úlken júrek bar. Ol – Ananyń júregi. Sol úlken júrekten taraıtyn kún sáýlesin...
-
Barlyq ǵylymnyń maqsaty men mindetteri, zertteý nysandaryna sáıkes qoldanylatyn ádis-tásilder bolady. Paleogeografıalyq jaratylystaný baǵytyndaǵy ǵylymdardyń ózara toǵysý aımaǵynda ornalasqandyqtan...
