Mektepte qysqa ıýbka kıip, áshekeı taǵýǵa tyıym salynýy múmkin
Qazaqstandyq oqýshy qyzdarǵa mektepte qysqa ıýbka kıip, keýdesin ashyp júrýge, sondaı-aq, áshekeı buıym taǵýǵa tyıym salynýy múmkin. Bul týraly Habar 24 arnasy habarlaıdy.
Mundaı málimdemeni QR Qoǵamdyq damý mınıstriniń orynbasary Berik Aryn jasady. Onyń sózinshe, kóptegen ata-analar oqýshy qyzdardyń ashyq-shashyq júretinine qatysty narazylyq bildirip, shaǵym aıtqan. Bul shaǵymdar búginde Bilim jáne ǵylym mınıstrligine jetip otyr. Sondyqtan mınıstrlik atalǵan máseleni myqtap qolǵa almaq.
«Mektepte dinı kıim kıýge tyıym salsa da, denege jabysyp turatyn qysqa ıýbkaǵa eshkim mán bermeıtinine qatysty kóptegen syn-eskertpeler aıtyldy. Osyǵan baılanysty bizdiń mınıstrlik Bilim jáne ǵylym mınıstrligine usynys joldady. Qazir olar tıisti túzetýler engizýdi josparlap otyr», - dep atap ótti qoǵamdyq damý vıse-mınıstri Berik Aryn.
You Might Also Like
-
QR Bilim jáne ǵylym vıse-mınıstri Bıbigúl Asylova jastardyń bilim izdep, shetelge ketpeýi úshin atqarylyp jatqan jumystardy baıandady.
