InfoHub Logo

Bala — adamnyń baýyr eti. Sondyqtan árbir  ata-ana óz balasynyń baqytty, ári ómiri sáttilikke toly bolýy úshin baryn salady. Biraq kúndelikti qarbalas tirlikpen júrip, aqsha tólep, biraq eshqashan ýaqytpen qaıtara ala almaıtyn qatelik jiberemiz. Mektepke qatysty ápsanalardyń balalarymyzdy tárbıeleýge qandaı kedergi jasaıtynyn qarastyryp kórelik.

1. Muǵalimder tek qana sabaq berýmen aınalysady

Bilim berý salasyna esh qatysy joq kóptegen adamdar muǵalimderdiń jumys ereksheligi týraly eshnárse bilmeıdi. Syrt kózge muǵalimder sabaqtan basqa tek jýrnal toltyryp, dápter tekseretin sıaqty kórinýi múmkin. Biraq shyn máninde sabaq júktemeniń tek 30% ǵana. Muǵalimder únemi konferensıalarǵa qatysady, kýrstar oqıdy, vebınarlardy tyńdaıdy, ǵylymı jumystarmen aınalysady, ashyq sabaq ótedi, t.b.. Iaǵnı  ýaqyt pen kúshin kóp alatyn jumystarmen aınalysady. Al kúnine 6 sabaq bos ýaqyty bar degen sóz emes. Óıtkeni sabaqtan keıin muǵalim muǵalimder keńesine júgirip bara jatýy múmkin. Al erteńge ashyq sabaq ótkizýi kerek. Sondyqtan sizge jáne balańyzǵa bólingen tyǵyz jumys kestesindegi ýaqytty baǵalańyz. Muǵalim ár balaǵa kóp ýaqytyn bólip, tolyq qorǵanys pen qoldaýdy qamtamasyz etedi dep senim artqan kezińizde osyny umytpańyz.

2. Mektep balany tárbıeleýge mindetti

Árıne, tárbıe — balalarmen jumystyń mańyzdy bir tarmaǵy. Biraq bul máselege aqylmen qarasaq, eger balany úıde tárbıelemese, qoǵamda ózin qalaı durys ustaýdy úıretpese, onda muǵalim 45 mınýtta kóp nárseni ózgerte almaıdy degen oı kelý kerek. Onyń ústine siz úıde únemi muǵalimderdi synap otyrasyz. Al muny balańyz estıdi (bala árqashan bárin estip júredi). Osydan keıin muǵalimniń synyptastaryńmen tóbelesýge bolmaıdy, olardyń sómkelerine túkirý durys emes degen eskertýinen qandaı da bir nátıje kútýdiń keregi joq. Balańyzǵa mektepte qalaı durys júrý kerek ekenin túsindirgen kezde, basy salbyrap turmasyn deseńiz, onyń aldyn alyp, balańyzǵa bárin aqylmen túsindirińiz. Bul balańyzdyń qajetsiz janjaldardan jol bermeı, durys baǵytta damýyna kómektesedi.

3. Mekteptegi bilim berý naqty ári jan-jaqty bilim alýǵa kepildik beredi

Mektebińiz qaladaǵy eń úzdik mektep bolsa da, al ustazdary óte tájirıbeli ári daryndy bolsa da mektep baǵdarlamasy sıaqty bilim berýdiń ujymdyq túri 100% tıimdi bolmaıdy jáne sizdiń eń qajetti suranymdaryńyzdy qanaǵattandyra almaıdy. Bilim berý — tárbıeleý sıaqty ata-ananyń jaýapkershiligindegi is. Balańyzdyń bolashaqta bedeldi oqý ornynda oqyp, tabysy joǵary jumysqa turyp, tasynyń órge domalaýy sizge baılanysty. Sondyqtan ýaqytyńyzdy tekke ketirmeı, dál qazirden bastap balańyzdyń damýyna qarjy bólińiz. Repetıtorlar, túrli úıirmeler men seksıalar balańyzdyń ártúrli baǵytta damýyna múmkindik beredi. Bálkim osyndaı tyǵyz kesteler balańyzdy ata-anasy balasynyń bolashaǵy úshin asa alańdaı qoımaıtyn qatarlastarynyń teris yqpalynan saqtap qalar.

Budan shyǵatyn qorytyndy anyq. Mekteptegi bilim berýden keremet nátıjeler kútýdiń qajeti joq. Balańyzdy ózińizden basqa bireý tárbıelep, ómirge daıyndaıdy degen jalǵan úmitpen ýaqytyńyzdy tekke ótkizip almańyz.

---