Mektepterde sport zaldarynyń bos ýaqytta paıdalanylýy basym jaǵdaıda múmkin emes - BǴM
Mektepterde sport zaldarynyń bos ýaqytta paıdalanylýy basym jaǵdaıda múmkin emes. Búgin Májiliste ótip jatqan buqaralyq sportty jáne dene shynyqtyrýdy damytý taqyrybyndaǵy Úkimet saǵatynda depýtattar saýalyna jaýap bergen Bilim jáne ǵylym vıse-mınıstri Tahır Balyqbaev osylaı málim etti.
«Qazirgi tańda mektep oqýshylaryn sportpen qamtý 27 paıyzdan asady. Al sabaqtan tysqary ýaqytta sportpen aınalysatyn balalardyń sany 713 myńnan asady. Sonyń ishinde aýyldyq mektepterde 349 632 bala sportpen sabaqtan bos ýaqytta aınalysady», dedi T. Balyqbaev.
Sonymen qatar, mınıstrlik ókili mektep sportzaldaryn paıdalaný tolyq múmkin bolmaıtynyn atap ótti. Onyń aıtýynsha, mektepterdiń basym bóligi eki aýysymda oqytylady. Sondyqtan da, bilim mınıstrligi osy máselege kóp kóńil bóle bastaǵan.
«Birinshiden, eki aýysymdyq mektepterde sport zaldary bos bolmaıdy qalaı aıtqanda da. Ekinshi jaǵynan, sport zaldaryn arendaǵa berý múmkindikteri de joq. Biz sport keshenderin jalǵa bere alatyndaı múmkindik jasaý úshin, olardy tolyq memlekettik mekeme qurylymyna kóshirý kerek», dedi T. Balyqbaev.
You Might Also Like
-
Atyraý qalasy №31 mektep-gımnazıasynyń 3 «b» synyp oqýshysy: Talap Bekzat Azamatuly Jetekshisi: Qultaeva Qamar Sapargalıevna
-
Keshe Atyraý oblysynyń ákimi Nurlan Noǵaev Italıanyń Qazaqstandaǵy Tótenshe jáne ýákiletti kelshisi Stefano Ravanámen kezdesti dep habarlaıdy ákimdiktiń baspasóz qyzmeti.
