Tilmásh Nurlan Noǵaevtiń qazaqsha sóılegenin Italıa elshisine aýdaryp bere almady
Keshe Atyraý oblysynyń ákimi Nurlan Noǵaev Italıanyń Qazaqstandaǵy Tótenshe jáne ýákiletti kelshisi Stefano Ravanámen kezdesti dep habarlaıdy ákimdiktiń baspasóz qyzmeti.
Jıynnyń alǵysózin qazaqshadan bastaǵan Noǵaevty Italıa elshisi bylaı tursyn, onyń aýdarmashysy da túsine alǵan joq. Óıtkeni, tilmásh tek orysshadan ǵana aýdarady eken. Saldarynan ákimniń sózin sondaǵylar aldymen orysshaǵa aýdaryp, odan keıin aýdarmashy ıtalán tiline tárjimalaı bastaǵan. Alaıda, araǵa Atyraýdaǵy munaı-gaz ınstıtýtynyń rektory Álı Ábishev aralasyp, ol Noǵaevtyń sóziń tikeleı qazaqshadan aǵylshynshaǵa aýdaryp berip otyrdy.
Osylaısha memlekettik tildi bilmeıtin tilmáshtardy qajet etpegen kezdesýden keıin Stefano Ravaná Nurlan Noǵaevqa alǵysyn aıtyp, mindetti túrde qazaq tilin jaqyn ýaqytta úırenip alýǵa ýáde etti.
Esterińizge salaıyq, dál osyǵan uqsas jaǵdaı Aqtóbede qytaılyq kompanıa ókilderimen kezdesý barysynda oryn alǵan edi. Oblys ákimi Berdibek Saparbaevtyń qazaqshasyn túsinbegen aýdarmashylar odan oryssha sóıleýdi suraǵan bolatyn.
You Might Also Like
-
Mektepterde sport zaldarynyń bos ýaqytta paıdalanylýy basym jaǵdaıda múmkin emes. Búgin Májiliste ótip jatqan buqaralyq sportty jáne dene shynyqtyrýdy damytý taqyrybyndaǵy Úkimet saǵatynda depýtatta...
-
Qyzylorda qalasy, Tasbóget kenti Oqýshylar men jasóspirimder Úıi "Ólketaný" úıirmesiniń oqýshysy: Tahır Dosjan Jetekshisi: Jálimbetova Aıjan Taǵybergenqyzy
