InfoHub Logo

İs - áreket maqsaty: Balalardy kompúterge úıretý, oqytý. Balalardyń kompúterge degen qyzyǵýshylyǵyn arttyrý, uqyptylyqqa, tıanaqtylyqqa, qaýipsizdik erejelerin muqıat saqtaı bilýge tárbıeleý.
Kórnekilikter: sıqyrly qobdısha, júrekshe, sýretter.

Sabaq barysy:
Tárbıeshi: Qane, balalar, «Ádepti eldiń balasy eń aldymen sálem berer» degendeı aldymen kelgen qonaqtarymyzben amandasyp alaıyq.
Balalar bári qosylyp:
Armysyń, shuǵylaly altyn kún!
Armysyń, qaıyrymdy Jer - Ana!
Armysyń, meıirimdi Aspan – Ata!
Armysyń, meniń dostarym!
Sálemetsizder me, qurmetti qonaqtar!

Tárbıeshi: Balalar men senderdi shyn júregimmen «shattyq sheńberine» shaqyramyn. Barlyǵymyz jaqsy kóńil kúıde bir - birimizge tilegimizdi aıtaıyq!
Qol alysyp, káne, biz
Dostasaıyq bárimiz
Aıtarym bar senderge
Tez turyńdar sheńberge
Qandaı jaqsy bir turý,
Dostarmenen bir júrý!
Qandaı jaqsy dos bolý!

M. Albına: Men kúnmin, «Árqashan kúnimiz sónbesin!» dep tileımin.
Esbolsyn: Men týmyn, «El baıraǵymyz kókte jelbireı bersin!» dep tileımin.
Nurshat: Men gúlmin, «balabaqshamyz jaınaı bersin, balalar kúlip júrsin» dep tileımin.
Ramazan: Men bıdaımyn, «nanymyz kóp bolsyn!» dep tileımin.
Dınara: Men muǵalimmin, «bilimdi bala bolyp, dańqymyz bıikteı bersin» dep tileımin.
Serjan: Men dárigermin, «denimiz saý bolsyn, dastarhanymyz mol bolsyn» dep tileımin.
Maıra: Men júrekshemin,«júregiń taza adal bolsyn» dep tileımin.
Janarys: Men qyran quspyn, «qanatyń talmaı, kókte samǵaı berińder!» dep tileımin.
Aqtoty: Men japyraqpyn, «japyraqtaı jaıqalyp óse ber!» dep tileımin.
Bahytjan: Men eltańbamyn, «beıbit ómir bolyp, jerimiz kórkeıe bersin!» dep tileımin.
Nurbek: «Árdaıym elimiz aman bolsyn!» (dep qoldaryndaǵy sýretterin ortada turǵan júrekshege salyp, eń sońǵy bala júreksheni tárbıeshige beredi).

Tárbıeshi: - Aıtqandaryń kelsin, balalar, tilekteriń qabyl bolsyn, - dep tárbıeshi ony joǵaryǵa qaraı, bólmeniń bir buryshyna ilip qoıady.
Tárbıeshi: - Balalar endi oryndarymyzǵa otyra qoıaıyq.
Balalar, bizdiń búgingi sabaǵymyzdyń taqyryby: «Men bolashaqty sýretteımin». Balalar bizder kompúter degen ne, ol qalaı paıda bolǵan eken sol jóninde sholyp ketsek.
Alǵashynda kompúterler óte úlken bolǵan eken. Úlkendigi sondaı osy bólmemizdeı bolypty. Sondyqtan ǵalym aǵalarymyz jumystaryn jeńildetý úshin osyndaı kishkentaı kompúterler oılap tapqan eken. Kompúterler adamzat balasynyń teńdesi joq kómekshisi bolyp tabylady eken.
Tárbıeshi: - Balalar bizder kompúterdi barlyǵymyz bilemiz, solaı ma?
Tárbıeshi: - Balalar úılerińde kompúter barma?
Tárbıeshi:- Senderge kompúter unaı ma?
Tárbıeshi: - Kompútermen jumys jasaǵylaryń kele me?