InfoHub Logo

Qostanaı oblysy, Rýdnyı qalasy
№19 orta mektebiniń
3 «B» synyp oqýshysy: Jumash Arsen Madıuly
Jetekshisi: Ahbergenova Marıa Týlesqyzy

 

Kez-kelgen balanyń  jaqsy kórip, qurmetteıtin ájesi bolady. Meniń de ájem bar. Onyń aty-jóni Mýhambetova Aqkenje. Eń qyzyǵy ájemniń eki esimi bar. Shyn aty - Tańsyq. Áke-sheshesiniń erke qyzy bolǵan soń Aqkenje dep ataǵan eken. Ájem óz atyna saı adam. Óte ajarly, minezge baı, aqjarqyn.

Ol meni kishkentaıymnan ósirip baǵyp keledi. Jasy 75-ten assa da anam men ákem jumysta bolǵan soń, meni sabaqqa daıyndap, shyǵaryp salady. Ol qaryndasym Janarǵa da qaraılaıdy. Bizdi qatty jaqsy kóredi. Kún saıyn táttiler alyp berip erkeletedi.

Ol men úshin ómirdegi eń qymbat jan. Onyń daıyndaǵan sútke qosylǵan kúrishi til úıiredi. Táp-tátti. Qaıta-qaıta jeı bergiń keledi. Ájeme sol úshinde rızamyn.

Jyldan-jylǵa ájem qartaıyp bara jatqan sıaqty. Shashy aǵarǵan. Kóp júrse qatty sharshap qalady. Men ájeme kóp aýyrtpalyq túsirmeýge tyrysamyn. Sabaǵymdy jaqsy oqımyn. Bos ýaqytymda qazaq aqyndarynyń óleńderin jattaımyn. Ájem meniń alǵashqy tyńdaýshym. Ol qateligimdi túzep, maqtap otyrady.

Aq ájem kún saıyn aqyl–keńes aıtýdan sharshamaıdy. Únemi: «Sabaǵyńdy jaqsy oqy. Oqyǵan adam ǵana óz arman-maqsatyna jete alady. Jalqaý bolma, eńbekshil bol. Ótirik aıtpa. Qıanat jasama». Bolashaqta ájemniń aıtqanyn oryndaýǵa tyrysamyn. 

Bul ómirdegi úlken armanym ájemniń densaýlyǵy myqty bolyp, janymda júre berse eken. Men óz ájemmen maqtanamyn.

---