InfoHub Logo

Men Mákýdiń Sarasy,

Óleńge bar talasy.

Uly aqynnyń búgingi,

Zamanaýı jańasy.

Osylaı bastaý alǵan meniń alǵy sózim respýblıkalyq «Sharyqta, shyrqa, Jas qyran» atty balalar men jasóspirimder arasynda ótken shyǵarmashylyq baıqaý meni jeńis tuǵyryna jetkizdi.

Qyrkúıek aıynyń sońǵy kúni meni úlken qýanyshqa bóledi. Taraz qalasynda ótilgen  bul synaq meni shıratqandaı. Jarys jaıly aıtpas buryn, daıyndyǵym jóninde sóz qozǵaıyn.

15 qyrkúıek kúni jetekshim Qasenova Fatıma Júzjasarqyzy osy baıqaýǵa qatysý týraly usynys bildirdi. Ýaqyttyń tyǵyzdyǵynan ba, álde, joǵarǵy deńgeıdegi joba bolǵan soń ba, áıteýir, bir qorqynysh bar. Qorytyndy jyl bolǵandyqtan qosymsha sabaqtarym óte kóp jáne «aqyndyq ónermen» sahnaǵa shyqqan emespin. Osy eki oı meni baıqaýdan alystatsa da, baǵymdy synap, shabytymdy shyńdaýǵa taptyrmas tartys degen oı  meni synaqqa ıtermeledi.

Sonymen men baıqaýdamyn. Endigi kúnim tek daıyndyqpen ótti. 3 mınýt bolýy tıis eki shyǵarmam orta eseppen 30 shýmaqtan turýy qajet boldy. Bara-bara saıys erejesi qıyndasa da  meniń qulshynysym ortaımady. Anamnyń, ustazymnyń senimi meni odan ári baýlı tústi. Alaıda, aýqymdy óleń jazyp, jazyp qana qoımaı ony respýblıka kólemindegi baıqaýǵa shyǵarý, áli tájirıbesi jetkiliksiz myna men úshin qıynǵa tústi. Desede, úıde anamnyń, mektepte ekinshi anamnyń qamshy saldyrǵan sózderi meniń daıyndyǵymdy ilgeriletti.

Baıqaý kúni. Kezek maǵan túsip, týyndymdy oryndap shyqtym. Baıqaýǵa deıin bas júldege senimdi bolǵan ustazymnyń úmiti oryndaýymnan soń eselene tústi. Endi mine, men jeńis tuǵyryndamyn. Bul jetistik úıde qoldaý bildirgen ata-anamnyń, maǵan qaltqysyz sengen ustazymnyń, eń bastysy júldeni maǵan 16 jasymda buıyrtqan Allanyń arqasy.

Bul saıysta tek aqyndyq qabiletim qarqyndaǵan joq, sonymen qatar Fatıma Júzjasarqyzynan alǵan ómirlik sabaǵym da bar.

...Sene bilgen adam, sezine de biledi eken. Bul taǵylym meniń boıyma kishkentaıymnan sińgenine shúkirden ózge aıtarym joq. Sondyqtan  siz de sene bilińiz.

---