- 27 maý. 2022 00:00
- 313
Meniń mamandyǵym - Dintaný
Mamandyq tańdaý - kez kelgen jasty qınaıtyn, bolashaq ómirge degen baǵyt-baǵdar bolyp tabylady. Sol sebepti ár adam óz tabıǵatyna saı keletin mamandyqty tańdaýda jańylmaýy tıis. Árbir mamandyq ózindik taǵylymy mol tarıhymen erekshelenedi. Men osy oraıda, óz mamandyǵymdy tańdaýda jańylyspaǵanyma kózim anyq jetti. Qazirgi kezde ál-Farabı atyndaǵy Qazaq Ulttyq ýnıversıtetiniń fılosofıa jáne saıasattaný fakúltetinde «Dintaný» mamandyǵy boıynsha grant ıegerimin. Naqtylap aıtatyn bolsam, bul mamandyqty bitirgen stýdent meshitte ımam bolyp, ýaǵyz aıtatyn adam emes. Dintaný zaıyrly mamandyqtardyń biri, ıaǵnı ekonomıs, zańger, býhgalter degen mamandyqtardan asyp túspese, kem emes. Dindi durys, jete túsinbeý qoǵamda túrli senim negizinde adamdar arasyndaǵy, konfesıa arasyndaǵy, halyqtar arasyndaǵy qaıshylyqtarǵa alyp keledi. Bir de bir din adamzatty zulymdyqqa, jamandyqqa shaqyrmaıdy, qaıta qıyn kezeńderde adamǵa rýhanı azyq, qoldaý bolyp, qoǵamnyń uıytqysyna aınalady Sol sebepten dinniń negizin, ishki rýhanı dúnıesin, shyǵý tarıhyn, damý barysyndaǵy túrli aǵym, baǵyttardyń kózqarastaryn, erekshelikterin zerttep, bilý mańyzdy.
Qoǵamdaǵy qaısybir ózekti máseleler din salasymen baılanysty bolǵandyqtan qarapaıym halyqqa durys baǵyttaǵy dinı bilim berý óte mańyzdy. Bul salany ıgergen mamandarǵa: memlekettik, dinı jáne qoǵamdyq uıymdarda buqaralyq aqparat quraldarynda táýelsiz sarapshy retinde jáne sarapshylar komısıasy quramynda; UQK jáne İİM saraptama qyzmetiniń, memlekettik basqarý, syrtqy jáne ishki saıasat bóliminiń, din isteri komıtetiniń qyzmetkerleri; din tarıhy men teorıasy, zamanaýı órkenıettiń dinı-fılosofıalyq máseleleri boıynsha ǵylymı-zerteý jumystarynda ǵylymı qyzmetker; memlekettik jáne memlekettik emes joǵary jáne orta arnaýly oqý oryndarynyń oqytýshylary; «Halal» standarttaý komıtetiniń, QMDB qyzmetkerleri jáne basqa da memlekettik, memlekettik emes mekemeler men halyqaralyq uıymdardyń qyzmetkerleri retinde jumys jasaýǵa múmkindik bar.
Ilásova Shapagat, ál-Farabı atyndaǵy QazUÝ dintaný mamandyǵynyń 3 kýrs stýdenti. Jetekshisi fılosofıa ǵylymdarynyń kandıdaty, dintaný jáne mádenıettaný kafedrasynyń aǵa oqytýshysy Kantarbaeva J.Ý.