(M. Iý. Lermontovtan)

Meniń syrym, jigitter, emes ońaı,
Eshkimniń ortaǵy joq, júrsin bylaı!
Neni súıdim, dúnıede neden kúıdim,
Qazysy onyń — arym men bir-aq qudaı.

Júregim ekeýine jalbarynar,
Raqymdyq pen ádil sor dep jalynar.
Men tentek pe, túbinde kim jazaly,
Qaıǵyny jiberýshi ózi synar.

Nadandar bylshyldaıdy, qup almaıdy,
Úlken jannyń qıalyn uǵa almaıdy.
Teńizden taýdaı tolqyn soqsa-daǵy,
Jaǵadaǵy jartasty jyǵa almaıdy.

Qudaı myqty jaratqan úlken jartas,
Bylsh-bylsh etken, bet buryp, sýdan qaıtpas.
Bultta sýyq daýyl, jaımen syrlas,
Ózgeni jan eken dep syryn aıtpas.

---