InfoHub Logo

Adam balasynyń  bilim alý satysynda eki jaýapty kezeń bar. Árıne olar mektep jáne ýnıversıtet. Balalyq shaǵyń, negizgi bilimiń mektepte ótse, onyń damýy ekinshi kezeńde jalǵaspaq. Bul seniń jańa ortaǵa, jańa jeńisterge jeter jolyń. Bul ýnıversıtet. Búgingi maqalada meniń aıtar sózderim tikeleı ýnıversıtetke baılanysty. 

Sóz sarasyn Eýrazıa ulttyq ýnıversıtetiniń 24 jyl tolýynan bastaıyn. Bul L.N.Gýmılev atyndaǵy úzdik oqý oryndarynyń biri, jetekshi lıder desem artyq ketpespin. Tarıhqa kóz júgirtsek…

L.N.Gýmılev atyndaǵy Eýrazıa ulttyq ýnıversıteti Qazaqstan Respýblıkasynyń Prezıdenti N.Á.Nazarbaevtyń 1996 jylǵy 23 mamyrdaǵy bastamasymen eki JOO – Selınograd ınjenerlik-qurylys ınstıtýty men Selınagrad pedagogıkalyq ınstıýtynyń birigýi negizinde quryldy.L.N. Gýmılev atyndaǵy Eýrazıa ýnıversıteti joǵarǵy mektep ǵylymdarynyń Halyqaralyq akademıasyna, Eýrazıa ýnıversıtetter qaýymdastyǵy jáne TMD jáne Baltyq elderiniń halyqaralyq zertteýler qaýymdastyǵyna, Halyqaralyq ýnıversıtetter qaýymdastyǵy men joǵary oqý oryndarynyń Eýropalyq qaýymdastyǵyna kiredi. 2005 jyly qyrkúıekte L.N. Gýmılev atyndaǵy Eýrazıa ulttyq ýnıversıteti eýropalyq bilim berý qatynastaryna belsendi kirigý úshin jańa múmkinshiliktiń kózin tabatyn Bolon hartıasyna qol qoıdy.

2005 jyly Oksford ýnıversıtetinde bilim ordamyz «Birikken Eýropa» mártebeli halyqaralyq medaline laıyq dep tanyldy. 2006 jyly L.N. Gýmılev atyndaǵy EUÝ Sokrat atyndaǵy qazirgi qoǵamnyń zıatkerlik damýyna úles qosqany úshin (Oksford) Halyqaralyq nagradasyna ıe boldy.

2007 jyly «TMD eń úzdik kompanıasy» altyn juldyzymen marapattalǵan.

2010 jyly QS World Universities reıtıńtik agenttiginiń nátıjesi boıynsha qazaqstandyq JOO arasynan álemniń úzdik 500 top oqý orny qatarynan kóringen alǵashqy oqý ordasy. 2012 jyly atalmysh reıtıńide 369-shy orynǵa taban tiredi.

«Qyzmet kórsetetin úzdik kásiporyn» atalymyndaǵy QR Prezıdentiniń «Altyn sapa» syılyǵynyń laýreaty (2012 j.).

Qazirgi tańda Eýrazıa ulttyq ýnıversıteti – Qazaqstannyń jetekshi klasıkalyq joǵary oqý oryndarynyń biri.

Eýrazıa ulttyq ýnıversıtetinde mamandardy daıarlaý júıesi 3 bilim berý baspaldaǵy boıynsha: joǵary negizdi bilim (bakalavrıat), magıstratýra jáne Ph.D doktorantýra. L.N. Gýmılev atyndaǵy EUÝ-ge qabyldaý memlekettik bilim granty men aqyly negizde júzege asyrylady.

Ýnıversıtet quramyna 13 fakúltet kiredi (mehanıka-matematıka fakúlteti, aqparttyq tehnologıalar fakúlteti, sáýlet-qurylys fakúlteti, jaratylystaný ǵylymdar fakúlteti, áleýmettik ǵylymdar fakúlteti, zań fakúlteti, fılologıa fakúlteti, ekonomıka fakúlteti, halyqaralyq qatynastar fakúlteti, fızıka-tehnıka fakúlteti, jýrnalısıka jáne saıasattaný fakúlteti, tarıh fakúlteti jáne kólik-energetıka fakúlteti).

Sonymen qatar ýnıversıtette eki áskerı-oqý mamandyǵy boıynsha zapastaǵy ofıserlerdi daıyndaıtyn áskerı kafedra jumys isteýde.

Mine osyndaı keremet jetistigi bar ýnıversıtet tek bilimmen ǵana shektelmeıdi. Qazaqstan úshin bul úlken jetistik, sanaly urpaqtyń kepili osyda. ENÝ jaı ýnıversıtet emes, bul  bir otbasy, bir mahabbat, taza bilim, mýmkindikter men sheksizdiktiń mekeni. Bul ýnıversıtettiń uzaq ýaqyt koshbasshy bolyp qalýyda osydan. Múmkin bir kúni tómende túser, biraq búgin emes… 

Qazir tek aıtatynym Ýnıversıtetimizge 24 jyl tolýyna oraı quttyqtaǵym keledi. 

Ýnıversıtet jaıly www.enu.kz saıtynan bile alasyz.

Shaıahmet Nýrıddın

---