InfoHub Logo

Mańǵystaý oblysy, Túpqaraǵan aýdany,
Baýtın aýyly, «Aqbota» balabaqshasynyń tárbıeshisi
Baıseıtova Gýlzı Baıseıtqyzy

Taqyryby: «Meniń táýelsiz – Qazaqstanym»
Maqsaty: QR rámizderi týraly túsinikterin keńeıtý. Sózdik qorlaryn damytý. Táýelsizdik jaıly balalardyń oılaryn damytý arqyly Otanymyzdy qorǵaıtyn azamattar tárbıeleý.
Kórnekilik: QR rámizderi, Astana sýreti, slaıd.
Ádis - tásilder: QR týraly áńgimeleý, suraq - jaýap, maqal - mátel, taqpaqtar aıtý.

Tárbıeshi: Balalar bizderge qonaqtar kelipti, aldymen amandasyp alaıyq!
Balalar: Sálemetsizder me?
Tárbıeshi: Amansyz ba dostarym,
Senderdi kórsem qýanam,
Qýan, shattan alaqaı!
Qýanatyn kez keldi.
Kúlip shyqty kún búgin,
Qaıyrly tań, balalar!
Tárbıeshi: Al, qanekı, balalar! Biz búgin dostyq sheńberinde bir - birimizge
jyly lebimizdi, dostyq senimderimizdi bildireıikshi. (Tárbıeshi balalarǵa gúl shoǵyn usynady.)
Balalar: Aspanymyz ashyq bolsyn,
Denimiz saý bolsyn
Elimiz tynysh bolsyn,
Týymyz kók aspanda jelbiresin
Bereke - birlik bolsyn,
Nanymyz kóp bolsyn,
Elimizde tynyshtyq bolsyn.
Elimiz baı bolsyn,
Árqashan kún sónbesin,
Áke - sheshemiz aman bolsyn,
Bárimiz dos bolaıyq.
Tárbıeshi: Balalar sender tilekteriń men dostyq senimderińdi tamasha jetkizdińder. Endeshe men de jaqsy tilegimdi aıtqym keledi.
Kúnimiz ashyq bolsyn
Túnimiz tynysh bolsyn,
Aýamyz taza bolsyn
Sýymyz móldir bolsyn.
Bárinen de densaýlyǵymyz myqty bolsyn! – dep osy gúl shoǵyn
ortaǵa qoıǵym keledi.
Tárbıeshi: Jaqsy balalar, óz oryndaryńa bara qoıyńdar!
(Ánuran oryndalady.)
Tárbıeshi: Qazir qaı mezgil?
Balalar: Qys mezgili.
Tárbıeshi: Qys mezgilinde neshe aı bar?
Balalar: Úsh aı bar.
Tárbıeshi: Attaryn aıtaıyqshy?
Balalar: Jeltoqsan, qańtar, aqpan.
Tárbıeshi: Qys mezgilindegi aýa - raıynyń ereksheligi?
Balalar: Qar jaýady, boran bolady, aıaz bolady. Sý betine muz qatady.
Adamdar qalyń kıinedi.
Bilim berý salasy: Qatynas.
Oqý is - áreketim: Til damytý.
Taqyryby: Meniń táýelsiz – Qazaqstanym.
Tárbıeshi: Búgingi bizdiń sabaǵymyz erekshe. Óıtkeni biz búgin táýelsizdik merekesine arnap, kelgen qonaqtarǵa óz otanymyz jaıly aıtyp beremiz.
Tárbıeshi: Biz qaı memlekette turamyz?
Balalar: Qazaqstan.