InfoHub Logo

Mańǵystaý oblysy, Túpqaraǵan aýdany,
Baýtın aýyly, «Aqbota» balabaqshasynyń tárbıeshisi
Baıseıtova Gýlzı Baıseıtqyzy

Taqyryby: Til tiregimiz, soǵyp turǵan júregimiz.
Maqsaty: Balalardyń ana tiliniń qasıetin sezinýge, mártebesin kóterýge baýlyp tanymdyq qabiletin arttyrý. Tildi qurmetteı bilýge tárbıeleý.
Kórnekiligi: slaıd kórsetiledi. Elimizdiń rámizderi. Úsh bı.
Ádis - tásilder: Aralas, túsindirý, suraq - jaýap, qorytyndy.

Tárbıeshi: Balalar búgin erekshe kún eken. Bizdiń is - áreketimizge kóptegen qonaqtar kelipti. Olaı bolsa aldymen amandasyp alaıyq.
Araılap tań atty
Altyn shýaq taratty
Qaıyrly tań balalar
Qaıyrly tań apaılar
Balalar biz bárimiz bir úıdiń balalaryndaı tatý - tátti dospyz, Káne bir - birimizge degen dostyǵymyzdy nyǵaıtý úshin jaqsy tilekter aıtaıyqshy.
Balalar: Kúnimiz jaryq bolsyn
Aspanymyz ashyq bolsyn
Denimiz saý bolsyn
Elimiz tynysh bolsyn
Dosymyz kóp bolsyn
Balabaqshamyz jaınaı bersin
Nanymyz kóp bolsyn
Tárbıeshi: Iá, balalar osyndaı jaqsy kóńil - kúıimizben oryndarymyzǵa jaıǵasaıyq.
Balalar, bir aptada neshe kún bar?
Balalar: Jeti kún bar
Tárbıeshi: Attaryn atap aıtaıyqshy?
Balalar: Dúısenbi, seısenbi, sársenbi, beısenbi, juma, senbi, jeksenbi.
Tárbıeshi: Qazir jyldyń qaı mezgili?
Balalar: Kúz mezgili.
Tárbıeshi: Kúz mezgili neshe aıdan turady?
Balalar: Úsh aıdan
Tárbıeshi: Attaryn atap aıtaıyqshy?
Balalar: Qyrkúıek, qazan, qarasha
Kúz mezgiliniń erekshelikteri kún sýytady, adamdar jyly kıine bastaıdy, aǵashtar japyraǵy sarǵaıady jerge túse bastaıdy. Qustar jyly jaqqa ushyp ketedi.
Tárbıeshi: Jaraısyńdar, balalar.
Bilim berý salasy: Qatynas. Uıymdastyrylǵan is - áreket: Til damytý.
Taqyrybymyz: Til tiregimiz, soǵyp turǵan júregimiz.

Ǵajaıyp sát: Esik qaǵylady. Balalar bizge shet memleketten qonaq keldi. Onyń armany bizdiń elimiz týraly kóp bilgisi keledi eken.

Qonaq: Sálemetsizder me, balalar. Balalar bul qaı memleket!
Balalar: Qazaqstan Respýblıkasy.
Qonaq: Bul memlekettiń bas qalasy qaı qala?
Balalar: Astana qalasy
Qonaq: Men senderdiń memleketteriń týraly tolyǵyraq bilem dep otyrmyn. Sender maǵan kómektesesińder me?
Balalar: Iá, kómektesemiz.

Qonaq: QR elbasy kim?
Balalar: Bizdiń elbasymyz N. Á. Nazarbaev
Qonaq: Sizderdiń ulttaryńyz kim?
Balalar: Bizdiń ultymyz qazaq.
Qonaq: Sizder qaı tilde sóıleısińder?
Balalar: Biz qazaq tilinde sóıleımiz.
Tárbıeshi: Jaraısyńdar, balalar! Bizdiń memlekettik tilimiz qazaq tili. Biz bárimiz bir - birimizben qazaqsha sóılesemiz. Elbasymyz N. Á. Nazarbaevtyń 1998j 20 qańtardaǵy jarlyǵyna sáıkes 22 qyrkúıek «Qazaqstan halyqtarynyń tilderi» kúni merekesi bolyp atalyp keledi. Bizdiń Respýblıkamyzda 120 - dan astam ár ultyń ul - qyzdary tatý - tátti yntymaqtastyqpen jemisti eńbek etedi.
Tárbıeshi: Káne, balalar biz qonaǵymyzǵa memleketimizdiń ánuranyn aıtyp bereıik.
Balalar: Án uran oryndaıdy.
Tárbıeshi: Ana tili týraly qandaı taqpaq bilesińder?
Azamat: Ana tiliń bilip qoı
Erkindigiń teńdigin
Ana tiliń bilip qoı
Maqtanyshym elimniń

Shahrızada: Súıesiń óz tilińdi
Bolasyń bilimdi
Óz kiltińdi úıreter
Ónerdi de, ǵylymdy
Ardaqta tilińdi

Raýan: Janymnan qymbat
Ana tilim maǵan
Ana sózden tyńdap
Úlgi ónege alam

Aızere Sh Qazaq tilim óz tilim, ana tilim
Abaı Muhtar sóılegen dana tilim
Qasterleıdi ul - qyzyn máńgń seni
Bolashaǵym, baqytym, dara tilim.

Darıa Ana tilim – anam
Appaq qardaı arym
Mura etken babam
Jarqyraǵan jarym

Hanshaıym Tilim barda maqtanam
Tilim meniń appaq án
Birligimdi búgingi
Ana tilim saqtaǵan

Allıjan: Ana tilim - tiregim
Ana tilim - júregim
Qasıetti elimniń
Tek óziń dep bilemin

Jaras: Ana tilim eldigim
Ana tilim erligim
Tildi bıik qurmettep
Toılap jatyr el búgin