InfoHub Logo

OQO, Shymkent qalasy,
Kózi nashar kóretin Úmit mektep - ınternatynda tárbıeshi
Alımbekova Qarlyǵash Karımbekovna
Ashyq tárbıe saǵaty

Taqyryby: «Erlik dańqy máńgilik»
Maqsaty: Uly Otan soǵysy, onyń zardaptary, Uly Jeńis týraly maǵulmat berý. Otan úshin jan qıǵan atalar men apalardyń, soǵystan oralǵan, qazirgi kezde aramyzda júrgen ardagerlerimizdiń erligin úlgi ete otyryp, olardy qurmetteýge tárbıeleý.

Synyby: 9 «q», 10 «q», 11 - 12 «q»

Barysy:
Uly Otan soǵysynda qaza bolǵandardy eske túsirýge arnalǵan 1 mınýttyq únsizdik.
Beınekórinis (soǵys bastalýy)

Kórinis: «21 ıýn 1941 jyl»
21 maýsym kúni Oqýshylardyń mektep bitirý keshinen qaıtyp kele jatqan sáti. Kenet radıodan:»tyńdańyzdar, tyńdańyzdar! Sóılep turǵan Moskva! 1941 jyly 22 maýsym fashısik Germanıa tutqıyldan soǵys jarıalap, elimizge basyp kirdi.»
1 áıel: «Soǵys, soǵys deıdi, estidińder me? Sumdyq - aı endi qaıttyq? Kúnimiz ne bolar eken?»
2 áıel: «Qoıyńdar jamandyq shaqyrmaı. El shetine jaý tıse, arqa súıer azamattar bar emes pe?»
1 azamat:
At basyna kún týsa,
Aýyzdyqpen sý isher
Er basyna kún týsa, etigimen sý kesher – degen bar emes pe, jylamańdar, jastaryńdy tıyńdar?
Bári: Otan úshin attanaıyq!
Ýa, halqym!
Kún týdy seniń basyńa,
Jaý kirdi seniń jerińe,
Sum fashısen qorǵaýǵa,
Attan, halqym maıdanǵa!
«Alar jaý sybaǵasyn ońbaı bizden»,
Shyǵamyz
Sońǵy kúshpen,
Sońǵy aıbynmen,
Qorǵaımyz baıtaq eldi,
Óıtkeni ony
Ár urpaq óz tusynda qorǵaı bilgen.

Sahnaǵa eki júrgizýshi shyǵady.

1 - júrgizýshi: Elbasymyzdyń «Nurly jol – bolashaqqa bastaý jol» atty joldaýynda «2015 jyl - ulttyq tarıhymyzdy ulyqtaý jáne búgingi bıikterimizdi baǵalaý turǵysynan mereıli belester jyly» dep atap ótken bolatyn. Qazaq handyǵynyń 550 jyldyǵyn, Qazaqstan halqy Assambleıasy men Konstıtýsıamyzdyń 20 jyldyǵyn, Uly Jeńistiń 70 jyldyǵyn erekshe atap ótken bolatyn. Uly Jeńiske bıyl 70 jyl tolyp otyr. Jeńis! 1945 jyldyń 9 - mamyry kúni dál osy shattyq habardy estip turyp, búkil álem teńselip ketti. Jer júzi halyqtarynyń júrekteri qýanyshtan lúpil qaqty... Keńes Odaǵynyń turǵyndary 5 jyl boıy kúndeı kúrkiregen soǵysta – 1418 kún men túnderde, búkil jigerimen Jeńiske umtylǵan...

2 júrgizýshi: Tórt jyl boıǵy qandy qyrǵynnan keıin, qyryq bestiń kókteminde dúnıe júzi halqy bostandyq aldy. Halyq Otan uǵymyn tereń sezine tústi. Erlik pen eńbek jeńip shyqty. «Eshkim de umytylmaıdy, eshteńe de umyt qalǵan joq». Osynaý sózder Jeńis kúnin merekeleý kezinde jıi aıtylady. Osynaý sózder soǵystan qaza tapqandar eskertkishine de qashalyp jazylǵan.

1 júrg: Soǵys jyldary qazaqstandyq bes áskerı quramǵa gvardıalyq degen qurmetti ataq berilip, olardyń týlaryna áldeneshe ordender qadaldy. Olardyń jaýyngerleriniń erligi ańyzǵa aınaldy. Sonyń ishinde ataqty panfılovshylar dıvızıasy bar. Onyń quramynan shyqqan batalón, keıinnen dıvızıa komandıri bolǵan Baýyrjan Momyshulynyń, Málik Ǵabdýlınniń esimderi soǵys tarıhynan máńgilik oryn alady.

Kórinis: «Otan úshin otqa tús».
(shaǵyn bólmede qabyrǵadaǵy kartaǵa muqıat qarap, general turady).
General: Qap! Myna fashıs ıttiń tikendeı qadalyp turǵanyn qarashy! Soqyr ishekteı sozylyp turǵanyn laǵalettiń. (osy kezde Baýyrjan kiredi)
Baýyrjan: Buıryǵyńyz boıynsha kelip turmyn joldas general!
General: Ah, soǵys, soǵys! Maıdan, qyrǵyn arpalys, qylshyldaǵan aıaz, qasarysqan dushpan. Osynyń barlyǵyna shydaý kerek.
Baýyrjan: Tize búgip tiri júrgennen, tik turyp ólgen artyq emes pe?! Shydaımyz, jeńemiz jaýdy!
General: Kapıtan Momyshuly, sizge batalónyńyzben birge Moskva túbin jaýdan azat etýdi buıyramyn.
Baýyrjan: Qup bolady joldas general.

Beıneúzindi (B. Momyshuly)

Jandos:
Álıa, Mánshúk qaısar gúli qazaqtyń,
Erligine tańdanamyn ǵajap tym.
Solar tókken qyzyl qannyń arqasy,
Qazaqstan aspanynda azat kún.
Jelbireıdi beıbitshilik jalaýy,
Oryndalyp jas urpaqtyń qalaýy.
Álıa, Mánshúk júregi bop janyp tur,
Máńgilik ot eskertkishi alaýy.
Kóktem kelip gúldegende bar aspan,
Keń jazıra nurǵa tunar ǵalamat.
Álıa, Mánshúk búldirshinder esimi,
Balabaqsha, mektepte júr aralap.
Álıa, Mánshúk ólmegeni sol bolar,
Qos qarlyǵash ardaqtalar qoraǵalar,
Umytpasa qazaq ótken tarıhyn,
Bolashaqqa dańǵyl Sara jol bolar.

Beıneúzindi (Álıa men Mánshúk)

Án: «Ana týraly ballada»

2 júrg: Eleńdeýmen, keler deýmen kúndiz - túni,
Qaıran sheshe, bilse ýaqyt ozǵanyn.
Jyldar boıy júrdi - aý úzbeı úmitin,
Bozań belden kútip qyrshyn bozdaǵyn.
(Mánshúktiń anasyna jazǵan haty. Mánshúk