InfoHub Logo

Bir retki qonaqasynda Maıbas araqty qalyptan tys kóp iship basy aınalǵan soń dalaǵa shyqpaqshy bolypty. Úı ıesi:

— Aǵańdy dalaǵa ertip shyq, — dep on jasar shamasyndaǵy ulyn qosyp beripti. Maıbas dalaǵa shyǵa aǵyl-tegil qusypty. Adamnyń qasynda turýdy yńǵaısyz kórgen bala qaıtadan úıge enip ketken eken, sonyń arasynda bir ıt Mákeńniń qasyna kelip qusyǵyn ańdyp shuqıa qalypty. Mákeń ábden qusyp bolyp janyna qarasa, bir nárse qaraıyp otyrypty. Ony ózimdi ertip shyqqan bala eken dep oılaǵan Mákeń:

— Eı, balam, bir shyny sý alyp shyqshy, aýzymdy shaıqaıyn, — depti. Biraq ıt miz baqpapty. Ary aıtyp, beri aıtyp tilin aldyra almaǵan Mákeń bir kezde ashýlanyp:

— Nedegen tilazar ıttiń balasysyń, eı! Bir shyny sý alyp shyq deımin, — dep ıtti shapalaqpen tartyp jibergende ıt ars etip Mákeńniń qolynan ala túsipti, sonda Mákeń:

— Qap! Mynanyń balasy qashan ıt bolyp ketken, eı! Qolym- dy ońdyrmaı qapqanyn qarashy, — dep ıtti tura qýypty.

 

---