InfoHub Logo

Bir baı joǵalǵan atyn malshysynan kórip, kókala qoıdaı qyp sabap, jalǵyz kók sholaǵyn tartyp alypty da, ózin qýyp salypty.

Malshy bıge baryp aryz aıtyp atymdy alyp berińiz dep jatyp alypty. Tóre daýlaryn surap kórmekshi bolady da, baıdy shaqyrtady. Baı tiliniń múkisi bar, sózge shorqaq adam eken, tóre aldyna barǵanda sózden jańylyp qalarmyn dep bir erkek qoı aqy berip Serikbaıdy ertip alady. Serikbaı jol--jónekeı jylqynyń bir tal qumalaǵyn alaqanyna qysyp ala júredi. Tóreniń aldynda baı atyn malshydan kóretinin aıta kelip, «meniń kýáshim myna otyrǵan adam edi, osy aıtsyn» dep Serikbaıǵa qaraıdy.

Serikbaı alaqanyn ashyp bıge qolyndaǵy qumalaqty kórsetip:

— Myna baıekeń maǵan boq je dep otyr. Bunyń atyn Baqaı alǵan joq, almaǵanyna men kýámin, jalǵyz atyn zarlatpaı qaıtarsyn, — depti.

Bı baıdy jyǵyndy etip álgi kedeıdiń atyn ózine qaıtartady. Serikbaı qaıtyp kelip álgi qoıdy kedeıge beredi. Sózin sóılemegendigi úshin baı adam jiberip Serikbaıǵa qoıyn suratady. Sonda Serikbaı kelgen adamǵa:

— Baıǵa aıtyp bar, kedeıge qara jaýyp ony sorlatyp sabaǵandyǵy úshin qoıdy malshyǵa sorpaǵa berdim, — depti.

 

---