InfoHub Logo

Belgisiz, jigit keremet, denege saýlyq, em beretin!

Keselmin men, ras, — degenmen de seniń emińniń túri qaıyrymsyz eken,

Ah! Men seniń keńesińdi oryndaýǵa qaýqarym joq;

Men birin de qaıtalaımyn — Men saǵan joq deı almaımyn,

Men ózime eń jaqyn dos degen adamymdy dushpan bolǵanyn qalaımyn.

Kerek deseń, dosyńdy jarylqadym dep, sen aıtpaǵan, bárin de.

Átteń-aı! — bıik jartastardan qulap sýlar,

Bulaqtardyń aǵysy ásem ándi toqtata almaǵan.

Daýyl-nóserdi toqtata alar ma ediń?

Kúnniń sheksiz kók aspannan shuǵyla nurly sáýlesi

Dóńgelene teńizdiń túbine tereń túspeı me?

Tabıǵattyń bar tylsym kúshi maǵan sybyrlaǵandaı:

Amınt, jer betindegi pendelerdeı,

Sen de, qatal zańdardyń sheshimderine baǵynyshtysyń.

Dostym meniń! Júzińdi ózgertpesten aq,

Sabyrlyq jasap meni tyńdaǵyn:

Ózen jaǵasynda ósip turǵan kók tal aǵash,

Maǵan birshama aqyl berdi.

Almasy onyń kóp te emes —

Al, burynǵy jyldary butaqtary maıysyp-synyp turatyn.

Sondaǵy aıyby ne edi?

Baǵanasy tal shybyqqa oranǵan.

Men aǵashtyń janyna keldim de,

Ótkir qaıqy oraǵymmen maıysyp turǵan butaqtaryn kese bastadym.

Biraq ta, sol kezde, men selk etip, shoshyp kettim:

Aǵash qınala tereń tynys alyp,

Butaqtary japyraqtarymen qosyla shýlap,

Syldyr qaǵyp, til qatqandaı:

«O, meni, baý-baqshańdaǵy senimdi dosyńdy qorlap, azaptamaǵyn!

Sen bala kezińnen meniń qanshama jemisimnen dám tatqansyń.

O, meni azaptamaǵyn!

Sen qatal qoldaryńmen ósip turǵan butaqtarymdy úzip,

Meniń ómirime qaýip tóndiresiń.

Men bolmaǵanda, kim myna tal shybyqtardy kógertip, ósip-óndirer edi? Olardyń japyraqtaryn ózimdikinen ajyrata almaımyn. Maǵan tal shybyqtardy qalaısha súımeske, men olarǵa tek qana qorǵan bolyp turǵanda? Ol jaı ǵana, qyzǵana jabysyp, meniń baǵanamdy orap aldy.

Júzdegen tamyrlaryn jaıyp, júzdegen jaqqa tarap ketti; Olar menen kórektenip, ne keregin ózegimnen de sýyryp alyp, sonymen birge ol meniń janymdy da qosa alǵandaı, myqtap meniń ómirime kirip aldy. Men bostan bosqa áýrelenýdemin: meniń tamyrym tereńderde jatyr, qýatty da, tirshilik berer shyryn-sólderimniń tek jarymy ǵana tóbedegi bóligime jetip otyrady.

Túk te bolmaǵandaı, jolaýshy bolyp ketip bara jatqan qaýipti meımandar meniń kúzdegi súıkimdi jemisterimdi ábsátte-aq úzip julyp alady.

Aǵashtyń ushar basy bárinen de qur qalady; ózen bulaǵyna qarap ıilgen butaǵynyń eń bıigindegi sońǵy butaqshalary — ókinishtisi, qýraǵan, qýrap ketken!

Meniń tynymsyz jasaǵan umtylystaryma, sylap-sıpap, mápelep ósirgen eńbekterime ońbaǵan satqyn asyp-tasyp, bar rahatqa bólenbek.

Sondyqtan da, onyń jaǵdaıyn sezinip, men onyń qutylmastaı shynjyrǵa oranǵanyn, ómirden túpkilikti ótkenin kórgenimde, men rıza bolyp, ózgelerdiń gúldengenine qýanamyn. Nıkıı, pyshaǵyńdy qynabyńa salǵyn!

Ózin-ózi qurtatyn jan aıaýshylyqqa turarlyq, aıaǵyn. Bizderge ysyrap etý ómirdiń táttiligi, osy bir qýanyshty maǵan qaldyrshy!

Aıtyńdarshy, mahabbatqa múldem berilgender, ómirdi ustap tura ala ma?»

1797

---