InfoHub Logo

Atyraý qalasy, Erkinqala orta mektebiniń
qazaq tili men ádebıeti pániniń muǵalimi
Mýtıgýllına Gúlsara Mergenqyzy

Sabaqtyń taqyryby: Muqaǵalı Maqataev. «Men taýlyqpyn»

Sabaqtyń taqyryby: Muqaǵalı Maqataev. «Men taýlyqpyn»
Sabaqtyń maqsaty:
1) Bilimdilik; Oqýshylardy qazaq poezıasynyń alyby atanǵan M. Maqataevtyń óleńderimen tanystyryp, jas býyndy poezıa nárimen sýsyndatý, óleńderiniń ózindik tabıǵatyn saralaı otyryp, ózgesheligine kónil bólý, óleńderin mánerlep jatqa oqýǵa daǵdylandyrý.
2) Damytýshylyq: Oqýshylardy izdený arqyly derektermen jumys isteýge baýlý sóıleý tilin damytý, logıkalyq oılaý qabiletin, sana – sezimin damytý.
3) Tárbıelik; Oqýshylardy bolashaqqa degen senimge baýlý, Otanǵa, týǵan jerge degen súıispenshilikke, adamgershilikke, tabıǵat ásemdigin túsinýge, qasıetti nárseni qadir tutýǵa, aqyn jyrlarynan úlgi alýǵa tárbıeleý.
Kórnekiligi; Interaktıvti taqta, slaıd, beınetaspa, kitaptary
Sabaqtyń túri; Jańa bilim berý sabaǵy
Sabaqtyń tıpi: Tanymdyq sabaq
Sabaqtyń ádisi; suraq - jaýap, shyǵarmashylyq izdenis, STO strategıalary, satylaı - keshendi taldaý.

Sabaqtyń barysy:
1. Uıymdastyrý kezeńi:
Oqýshylarmen amandasý.
Synypty topqa bólý, baǵalaý paraqshalaryn taratý.
Sabaqqa daıyndyq.

2. Úı jumysyn tekserý:
İ top. Aqynnyń ómirinen málimet..
İİ top. Eńbek joly.
İİİ top. Jyr jınaqtary. Óleńderiniń taqyryptary.
«Fantazıa», «Barlyǵy da senderdiki» óleńderin jatqa suraý.

3. Jańa sabaq: Muqaǵalı Maqataevtyń «Men taýlyqpyn!» óleńi
Óleńderdi bir ret mánerlep oqyp berip, 2 - 3 oqýshyǵa oqytamyn.
Óleń mátini boıynsha jumys jasaý:
• Óleńde kim týraly aıtylady?
• Aqyn taýdy kimge teńeıdi? (Al bizdiń asyraýshy anamyz kim?)
• Ol qalaı dúnıege keldim deıdi?
• Kıik qandaı janýar?
• Qyran qandaı qus?
• Tabıǵat pen adam baılanysy qalaı sýrettelgen?
• Aqyn qaı taýdyń baýraıynda dúnıege kelgen?
Slaıdtan Alataý týraly túsinik berý, Hantáńiri shyńy týraly aıtý.

4. Ádebıet teorıasynan túsinik berý:
Gıperbola (Ásireleý) – bir zatty ne is - áreketti shamadan tys ulǵaıtyp kórsetý. Mysaly:
taýdan jaratylǵam, kıiktiń sútin emip, asqar shyńdar jelpıdi besigimdi.
Sımvol (shartty belgi) – bir zatty ekinshi zat arqyly astarlap kórsetý. Mys: qyran – erkindik sımvoly.

5. Toptyq jumys. (Beınetaspadan ánshiniń oryndaýyndaǵy «Men taýlyqpyn!» óleńin tyńdatý).
İ top. Toptastyrý «Taý uly qandaı bolýy kerek?»
İİ top. «Áripter sóıleıdi»: MUQAǴALI
İİİ top. «Bes jol óleń» strategıasy

6. Sabaqty bekitý.
Óleńge satylaı - keshendi taldaý jasaý (slaıd arqyly)

7. Sabaqty qorytyndylaý:
• Aqynnyń armany qandaı edi?
• Onyń armany qashan oryndaldy?
8. Baǵalaý paraqshalaryna qarap, qorytyndy baǵa qoıý.
9. Úıge tapsyrma: Óleńdi jattaý, «Erkin eldiń ulanymyn!» atty esse jazý.