InfoHub Logo

Atyraý qalasy, Erkinqala orta mektebiniń
qazaq tili men ádebıeti páni muǵalimi
Mýtıgýllına Gúlsara Mergenqyzy

Sabaqtyń taqyryby: M. Shahanovtyń «Narynqum zaýaly» poemasy

Sabaqtyń maqsaty: a) bilimdik: M. Shahanovtyń ómiri men eńbekterine sıpattama bere otyryp, poemanyń negizgi mánin uǵyndyrý, batyr babamyz Mahambettiń beınesin ashý;
á) damytýshylyq: Oqýshylarǵa tuńǵıyq tarıhymyzdy tanyta otyryp, dúnıetanymdaryn keńeıtý, zertteýshilik qabiletterin damytý;
b) tárbıelik: Oqýshylardy otansúıgishtikke, batyrlar esimin qasterleýge, aqyn shyǵarmashylyǵyna qurmetpen qaraýǵa tárbıeleý.
Sabaqtyń túri: Tanymdyq sabaq.
Pánaralyq baılanys: Tarıh, geografıa, mýzyka, matematıka.
Sabaqtyń ádisteri: Suraq - jaýap, toptyq jumys, STO strategıalary, shyǵarmashylyqqa baýlý, satylaı - keshendi taldaý.
Sabaqtyń kórnekiligi: Aqyndar sýreti, kitaptar kórmesi, slaıdtar.

Sabaqtyń barysy:
İ. Uıymdastyrý kezeńi:
Oqýshylarmen sálemdesý.
Sabaqqa qatysyn tekserý.
Jańa sabaqqa ázirleý.

İİ. Qyzyǵýshylyqty oıatý.
Sabaqtyń dáıeksózi: Mahambet esimi – ómirdegi qasirettiń sınonımi, ómirdegi qasıettiń sımvoly. (Z. Qabdolov).
(Slaıdtan M. Shahanovtyń sýretin kórsetý).
• Myna sýrette kim beınelengen?
• Ol qaı jerde, qashan dúnıege keldi?
• Aqynnyń qandaı óleńderi bar?
• Biz onyń qandaı shyǵarmasyn óttik?
• Bul poemanyń negizgi taqyryby qandaı?
• Poemada qandaı oqıǵa baıandalady?
• Ákesi nelikten óz balasyn ólimge qıdy, bul durys sheshim be?
• Naryn qumyn kartadan kim kórsetedi?
• «Zaýal» sóziniń maǵynasy qandaı?
Oqýshylar jaýap bergen soń, poema mátini boıynsha jumys:

İ bólim: «Mahambettiń sońǵy sózi»
(Bir - eki oqýshy mazmunyn baıandap, jatqa úzindi oqıdy).
Poemanyń osy bóligin slaıdta berilgen tarıhı málimettermen tolyqtyramyn:
1846 jyly Baımaǵambet sultannyń tyńshylary Y. Tóleev, M. Nuralın, J. Bozdaqov,
jáne J. Óteýlın – bári birigip, Qaraoıǵa baryp, batyrdyń basyn alady.

İİ bólim: «Áke úkimi»
(Úsh oqýshy shyǵyp, keıipkerlerdiń rolin somdap, shaǵyn kórinis kórsetedi.)
Qatysýshylar: Jigit pen ákesi, avtor.
Kórinisti Muhammed paıǵambardyń «Ákeniń rızalyǵy – Allanyń rızalyǵy. Ákeniń renishi – Allanyń renishi» degen sózimen qorytamyn.

İİİ. Maǵynany taný:
Beınetaspadan Mahambettiń «Jumyr – Qylysh» kúıin tyńdatyp, bul kúıdiń kimniń týyndysy ekenin suraımyn. Sodan keıin osy kúıdiń aqynnyń qýǵynǵa ushyrap, el kózinen jyraq júrgen kezinde týǵanyn, birde aqyn kelip otyrǵan aýylǵa Baımaǵambet sultannyń tyńshylary kelip qalyp, sondaı tyǵyz - taıań qıyn shaqta aǵaıyndy Jumyr, Qylysh degen jigitter Mahambetti úıine jasyryp, aman alyp qalǵanyn, jigitterdiń osy qamqorlyǵyna rıza bolǵan aqynnyń olarǵa arnap, osy kúıin shyǵarǵanyn áńgimelep beremin.

Toptyq jumys:
İ topqa tapsyrma: «Toptastyrý» - «Mahambet kim?» (Oryndap bolǵan soń, 1 oqýshy shyǵyp, jumysyn qorǵaıdy )
Mahambet
↓
1803 - 1846 jj.
Batys Qazaqstan oblysy, Orda aýdany
Ult - azattyq kóterilisin uıymdastyrǵan batyr
Daýylpaz aqyn, arýaqty, kóregen, kúıshi

İİ top. «Uqsastyq pen daralyq» - Jigit pen ákesin salystyrý.