InfoHub Logo

Halyq ishinde «Balalyǵyń ustasa – naǵashyńa bar, jigittigiń ustasa – qaınyńa bar» degen qaǵıda bar. Ádettegideı barys-kelis emes, ata jolynda munyń óz jón-josyǵy bar. «Jigittiń jaqsy bolmaǵy – naǵashydan» degendeı, bul joly erekshe saltanatpen jıen jora-joldastaryn ertip barady. Naǵashylary oǵan qurmet kórsetedi. Mal soıyp, tórge shyǵaryp, saýyq qurady. Jıen barynsha erkelep, erkin sóılep, arasynda naǵashylarynyń kemshilikteri bolsa, synaı otyryp ázildesedi. Naǵashylary jıenderine jıenquryǵyn («qyryq serkesh») berip, barynsha rıza etip attandyrady. Naǵashy elinde 4-5 kún qydyryp, aýnap-qýnaǵan jıen keter aldynda rızashylyǵyn bildirip attanady. Bir eskerip ketetin jaı: naǵashy-jıen arasynda báseke, kóre almaýshylyq, kúndeý sıaqty jat ádetter bolmaıdy. Olar qatty ázildeskenimen, birin-biri kóterip, syrttaı maqtap, ári olardyń atymen maqtanyp júredi.

---