InfoHub Logo

Qyzdyń tórkindep, onyń kúıeýi qaıyndap, jıen naǵashylap barady. Qyz tórkindep bara almasa, óz jamandyǵy, jolynan jyǵylǵany dep biledi halyq. Mundaıda jol-joralǵydan súrinetin el-jurt bolmaıdy, olardy handaı kóterip alady.

Sonymen "jigittigi" ustap, mańyzdana basyp, mańǵaz qarap, jaryn ertip, elge kúıeý qaıyndap kele jatyr. Kúni buryn qulaqtanǵan qaıyn jurt olardy ádeppen, qýanyshpen, qurmetpen qarsy alady. Kúıeýdi de kelin túsirgendeı etip ázil-qaljyńmen kútedi, baldyzdar onyń qulaǵyna jarmasyp jatady. Elge kúıeýdiń osyndaı dástúrmen kelýi - aýyl adamdary úshin bir mereke. Balalar qýanyp, úlkender shattanyp, úlken májilis qurylady, keń dastarqan jaıylyp, sapyrylǵan sary qymyz, tabaq-tabaq et qoıylady, shashý shashylyp kóńildi kúlki, saýyq-saıran qaıyndap kelgen kúıeýdiń ajar-bedelin odan ári kótere túsedi. Tól sybaǵasyn - tósi men asyqty jiligin jegen kúıeý de rıza, onyń janyndaǵy sol eldiń qyzy da rıza.

Bul dástúr - kúıeýdi de, onyń qaıyn jurtyn da synaıtyn úlken jol.

---