InfoHub Logo

Bilim berý salasy: «Tanym»
Oqý is - áreket túri: Ekologıa
Taqyryby: «Nan dastarhanǵa qalaı keldi?»
Maqsaty: Nandy qadirleýge úıretý. Nannyń dastarhanǵa qalaı keletindigin aıtyp, oǵan kóptegen adamdardyń eńbegi arqyly keletindigin túsindirý.
Bilimdiligi: Nan týraly naqyl sózderdi uǵynýǵa, jattap alýǵa daǵdylandyrý.
Damytýshylyǵy: Baqylaǵyshtyǵyn, qıalyn damytý.
Tárbıeliligi: Eńbek adamdaryn syılaı bilýge, árbir adamnyń nandy únemdi paıdalana bilýine tárbıeleý.
Kórnekiligi: Nan týraly salynǵan sýretter, unnan jasalǵan taǵamdar túrleri
Sózdik jumys: traktor, dıqan, kombaın, elevator, dıirmen.
Ádis - tásilder: Túsindirý, kórsetý, suraq - jaýap, taqyryptyq slaıd, trız tehnologıasy.

Tárbıeshiniń is - áreketi
Pedagog balalarmen jylýlyq sheńberin uıymdastyrady.
Úlkenge de «siz»,
Kishige de «siz»,
Úlkenderdi qurmettep,
Bas ıemiz biz.

- Balalar, búgingi kún bizderge úlken qýanysh syılaǵaly tur, qarańdarshy kóptegen syıly qonaqtar keldi, aldymen amandasaıyq.
- Sálemetsizder me!
Balalar, búgingi oqý is - áreketimizde «As atasy - nan»týraly tanystyramyn. Nan týraly kóptegen mańyzdy nárselerdi biletin bolamyz.
Osy kezde esik qaǵylyp, Umaı ana kiredi.

Tárbıeshi, balalar, bizge «Balapan»baǵdarlamasynan kórip júrgen Umaı ana qonaqqa kelipti.
Sálemetsiz ba, Umaı ana!
Nan dúkenge qaıdan keledi?
Pedagog daıyn jelili sýretterdi retimen taqtanyń jan - jaǵyna qoıyp,
Bıdaı dáninen nan jasalynǵanyna deıin uzaq ta qıyn joldan ótkeni jaıly áńgimeleıdi.(Pedagog traktor, dıqan, kombaın, elevator,
dıirmen sózderin aldyn - ala tanystyrady)
- Aldymen traktormen jerdi jyrtady.
- Ol jerge bıdaıdyń dánderin tastaıdy, birneshe kúnderden keıin dánder óse bastaıdy.
- Bıdaıdyń sabaqtary paıda bolady.
- Ony dıqandar únemi sýaryp otyrady.
- Mezgili jetkende bıdaıdy kombaındarmen orady jáne ústerinen bastyrady.
- Mashınamen elevatorǵa tasıdy.
- Bıdaıdy dıirmenge aparyp tartady.
- Appaq bolyp un daıyndalady.
- Qap - qaptarmen undy naýbaıhanaǵa tasıdy.
- Onda un ılenip, nan pisiriledi.
- Nan tasıtyn mashınalarmen daıyn nandy dúkenge ákeledi.
Dúkende nannyń birneshe túrleri: bólke, baton, baýyrsaq, pecheneler, toqashtar, torttar satylymǵa shyǵady.
Tárbıeshi,- balalar, osy bizdiń Beıneý aýylynda da un zaýyty bar, ol týraly qazir biletin bolamyz.