Nólinshi synyp oqýlyqtary birden latyn álipbıinde shyǵarylady
Nólinshi synypqa arnalǵan oqýlyqtar birden latyn álipbıinde basyp shyǵarylatyn bolady. Bul týraly halyqpen eseptik kezdesý ótkizgen QR Bilim jáne ǵylym mınıstri Erlan Saǵadıev aıtty.
«Aǵymdaǵy jumysty aıtsaq, balabaqshalar sanyn kóbeıttik. Ásirese jeke menshik balabaqshalar kóptep ashyldy. Qazir balalardy balabaqshalarmen qamtý kórsetkishteri 90,5 paıyzǵa jetti. Bizdiń alǵashqy josparymyzda nólinshi synypty engizý 2019 jylǵa qoıylǵan. Búginde biryńǵaı baǵdarlamasy men muǵalimderdi daıyndaý kestesi daıyn, oqýlyqtar ekspertızaǵa jiberildi», - dedi mınıstr.
Osy oraıda, ol endigi ýaqytta 400 myńǵa jýyq balaǵa nólinshi synyptyń jańa oqýlyqtaryn basyp shyǵarý qajettigin atap ótti.
«Latyn áripine kóshetin bolǵasyn, oqýlyqtardy birjola latynsha basqan jón dep sanaımyz. Bul qarajat jaǵynan da tıimdi. Sondyqtan nólinshi synypty engizý 2020 jylǵa latyn álipbıinde qoıylyp otyr», - dedi Erlan Saǵadıev.
Onyń atap ótýinshe, latynǵa kóshýge baılanysty 4 komısıa jumys istep jatyr.
«Termınologıalyq jáne ádistimelik komısıasyn Bilim mınıstrligi basqarady. Osy másele boıynsha qazir kóp jumystar jasap jatyrmyz. 2020 jylǵa deıin nólinshi synypty ashýǵa daıyn bolamyz», - dedi ol.
QazAqparat
You Might Also Like
-
Qazaqstandaǵy joǵary oqý oryndarynyń akademıkalyq derbestigi 65-ten 85 paıyzǵa deıin keńeıtiledi. Bul týraly Parlament Májilisiniń jalpy otyrysynda «QR keıbir zańnamalyq aktilerine joǵary oqý...
-
QR Densaýlyq saqtaý vıse-mınıstri Alekseı Soı «Astana» medısına ýnıversıtetinen stýdentterdiń shyǵarylýyna qatysty pikir bildirdi.
