InfoHub Logo

QR Oqý-aǵartý mınıstrliginiń Nazarbaev zıatkerlik mektebine qatysty shyqqan daýǵa túsinikteme berdi.

Biz kópshiliktiń jaǵdaıdy túsinbeıtinin jáne Nazarbaev zıatkerlik mektepteri mınıstrlikke baǵynysty dep sanaıtynyn kórip otyrmyz. Osy oraıda «Nazarbaev zıatkerlik mektebi» DBBU-nyń tolyq derbestigin qamtamasyz etetin arnaıy zań bar ekenin eske salǵymyz keledi. Iaǵnı, NZM mektepteri Oqý-aǵartý mınıstrligine baǵynbaıdy. Sáıkesinshe, tilder bólinisinde kvota bólý, synyptardy jabdyqtaý, jańa mektepter ashý máselelerin mınıstrlik emes, Qamqorshylyq keńesi sheshedi. Túsindiretin bir ǵana másele bar. Dálirek aıtqanda, mınıstr granttardy taǵaıyndaý jónindegi komısıanyń tóraǵasy, alaıda onyń synyptarǵa qabyldaý, synyptardy jınaqtaý jáne ony ashý saıasatyn anyqtaýǵa quqyǵy joq. Sondyqtan tóraǵa qyzmeti qaıta qaralady. Negizgi sheshimderdi qabyldaıtyn adamdar konkýrs komısıasyna tóraǵalyq etýi kerek», - dedi QR Oqý-aǵartý mınıstrliginiń Mektepke deıingi jáne orta bilim komıteti bas sarapshysy Erlan Maıaemırov.

Oqyrmandarǵa túsinikti bolý úshin aıta ketsek, áleýmettik jelide Nazarbaev zıatkerlik mektebinde oqýǵa úmitkerlerge memleket tarapynan beriletin «Órken» grantynyń sanyna baılanysty rezonansty vıdeo tarady. Ondaǵy málimet boıynsha, bıyl qazaq tobyna tapsyrǵan oqýshylardyń sany orys tobyna tapsyrǵan úmitkerlerden kóp bolǵanyna qaramastan, grant sany teńdeı bólingen (100-100). Sonyń saldarynan qazaq tildi úmtikerlerdiń jınaǵan bal sany orys tildi úmtikerlerden joǵary bolǵanyna qaramastan, grantqa óte almaı otyr.

---