InfoHub Logo

Mamandyq - jaýapkershilikti talap etetin eńbek qyzmetiniń mańyzdy bóligi. Ómirde eki nárseden qatelespeý kerek. Onyń biri jar tańdaý, ekinshisi mamandyq tańdaý. Seniń tańdaǵan mamandyǵyń seniń bolashaǵyń. Adamdar mamandyqty júreginiń qalaýy boıynsha tańdaýy kerek. Mamandyq tańdaý – óte jaýapkershilikti jáne mańyzdy is. Óz isin jaqsy kórip, úlken jaýapkershilikpen atqarǵanda ǵana adam ózin baqytty sezinedi eken. Qazirgi tańda mamandyqtyń túri kóp. Tańdaý jasaý ońaı emes. Eń bastysy – adam eńbekke qabiletti, zeıindi bolýy qajet jáne onyń mamandyǵy ózi ósken ortaǵa mańyzdy, baǵaly úles qosatyndaı bolýy shart. Men osy mamandyqtardyń ishinen jýrnalısıkany tańdadym.Kóp adamdar jalaqysy joǵary kásipterdi ǵana qarastyrady. Men mundaı oımen kelispeımin. Eń bastysy – tańdalǵan mamandyq lázzat ákelýi kerek. Ýaqytymyzdyń kóp bóligin jumysqa arnaǵandyqtan, ol bizdiń múddelerimiz ben múmkindikterimizge sáıkes kelip, qýanysh ákelgenin qalaımyz. Adam jumysqa aqsha qajettiligi úshin emes, óz isin unatqandyqtan baratyn bolsa, bul ony baqytty etedi.

Sizge sáıkes kelmeıtin mamandyqqa oqýǵa túsip qoısańyz, munaımańyz. Eger tyryssańyz, ómirde bárin túzetýge bolady. Barlyǵy ózińizge baılanysty ekenin umytpańyz.

Sálimgereı Dılnaz

---