InfoHub Logo

Oral turǵynyn polısıa alaıaqtardan arashalap qaldy

Oral turǵyny alaıaqtarǵa 1 mıllıon 300 myń teńge aýdaryp jibere jazdaǵan, dep habarlaıdy Infohub.kz.

Alaıda polısıa qyzmetkerleri qylmystyń jolyn kesken. Tártip saqshylary er adamdy saýda ortalyǵyndaǵy termınal aldynan baıqaǵan. Ol telefonmen qobaljı sóılesip, bir kezde aqsha aýdarý úshin derekterin engizgen. Sol sátte polısıa kúdiktenip, arasha túsken. Olar qarıanyń telefonyn alyp, arǵy betindegi áıelmen sóılesken. Bir sátte er adamǵa ártúrli nómirden habarlasyp, biri qyzy, endi biri uly ekenin aıtqan.

Málimetke sáıkes, alaıaqtar qarıaǵa birneshe kún qatarynan habarlasyp, ózin polıseı retinde tanystyrǵan. Sondaı-aq ómirine qaýip tónip turǵanyn aıtyp, qomaqty aqsha aýdarýǵa kóndirgen. Degenmen polıseılerdiń aralasýymen alaıaqtyqtyń joly kesildi.