InfoHub Logo

Adamzat balasy Marsqa qonystanýǵa daıyn bolǵan kezde (erte me, kesh pe bul oryndalatynǵa uqsaıdy) olarǵa qosymsha kómek qajet bolady. Tótenshe júkteme men aıryqsha qıyn jaǵdaılarda jumys isteý múmkindigi bar ensıklopedıalyq bilimdi naǵyz mamandardyń kómegi kerek. Olarǵa Justin tárizdi droıdtar qajet bolady. Germanıa avıasıa jáne kosmonavtıka ortalyǵynda jasalǵan dál osyndaı gýmanoıdty bottar bolashaq qonys aýdarýshylar úshin marstaǵy alǵashqy turǵyn úıdi salýǵa jaýapty bolady.

Nemis ınjenerleri ondaǵan jyldan astam ýaqyttan beri Justin robotynyń múmkindikterin jaqsartý boıynsha jumystaryn jalǵastyryp keledi. Ol eń alǵash 2006 jyly elektronıka jáne robot tehnıkalarynyń iri jármeńkeleriniń birinde tanystyryldy. «Temir dostyń» túrli quraldarmen jumys isteýge, fotosýretke túsirýge jáne bólisýge, ushyp bara jatqan obektilerdi ustap alýǵa jáne túrli qıyndyqtaǵy kedergilerdi aınalyp ótýge múmkindigi bar. Al endi robotqa jasandy ıntellekt júıesin darytqan zamanaýı jańartýlardyń arqasynda, Justin-niń basqa operatorǵa súıenbeı, ózdiginen «oılanýǵa» múmkindigi bar.

Aldyn-ala baǵdarlamalaýdy jáne árbir qozǵalysy úshin is júzinde qajetti nusqaýlyqtarmen qamtamasyz etýdi qajet etetin kóptegen basqa robottarǵa qaraǵanda, bul robottyń barlyq tapsyrmalardy – tipti bastapqyda baǵdarlamalanbaǵan tapsyrmalardy da tolyqtaı avtonomdy rejımde oryndaýǵa múmkindigi bar.

Ajyratyp taný tehnologıasy, sonymen qatar kompúterlik kórý júıesi «Djastınge» óziniń aınalasyn tanyp bilýge jáne tazalaý men túrli mehanızmderge tehnıkalyq qyzmet kórsetý, jabdyqty tekserý jáne zattardy tasymaldaý tárizdi tapsyrmalardy oryndaı alýǵa múmkindik beredi. Óziniń sońǵy testteriniń birinde Justin birneshe mınýt ishinde isten shyqqan kún taqtasyn jóndeı aldy. Bir qyzyǵy, robotqa sol sátte Halyqaralyq ǵarysh stansıasynyń bortynda bolǵan ǵaryshkerlerdiń biri qashyqtan basshylyq jasap otyrǵan.

Robottyń bıiktigi 1,92 metr, al salmaǵy – 200 kılogrammdaı. Ár qolymen Justin 14 kılogramm júkti kóterýge múmkindigi bar. Árbir qolynda tórt-tórtten ornalasqan saýsaqtarynyń arqasynda ol túrli qural-jabdyqtardy paıdalana alady. Kórý júıesi retinde robot ózine qorshaǵan aınalanyń úsh ólshemdi modelin jasaýǵa múmkindik beretin ajyratymdylyǵy joǵary kamera men sensorlar jıyntyǵyn qoldanady. Robot túrli kompúterlik jabdyqtarmen jyldam sınhrondalýǵa, sonymen qatar kún energıasynyń kózine qosylý arqyly ózdiginen óz batareıkalaryn qýattap alýǵa beıim. Barlyq qajetti hattamalar robottyń jergilikti jadynda saqtalady. Basqasha aıtqanda, ol tipten komýnıkasıalyq baılanysty joǵaltqan jaǵdaıda da tapsyrmalardy oryndaı alady. Sondaı-aq robottyń taǵy bir talanty, onyń sháı men kofe ázirleı alatyndyǵy bolyp tabylady.

---