InfoHub Logo

Qazaq halqynyń tól óneri baǵaly muralarǵa baı.Árbir jaǵdaıattyń kórkem jetkizilgeni sonshalyq, ishi-baýyryńa jaılap, júregińdi eriksiz jaýlap alady.Uly jazýshylardyń oı-órisińdi keńeıtip, sanańdaǵy kúdikke toly muńdy seıiltetin shyǵarmalary-"qazaǵym!" dep kún keshetin asyl perzentterdiń júreginen oıyp turyp oryn alatyny haq.Al osyndaı jaıttar alty Alashtyń ardaqty azamaty Júsipbek Aımaýytovtyń "Aqbilek" atty týyndysynda kórinis tabady.

Keń dalanyń erke arýy bolyp boı jetken Aqbilek - qıly kúnder men azapty ǵumyrdy bastan keshiredi.El arasynda oryn alǵan kúrmeýi sheshilmes oqıǵanyń áserinen órimdeı jas aıaýly ári ardaqty anasynan aırylady.İngenin joǵaltqan botadaı oıǵa toly kózderi móldirep, jasqa tolady.Minekı, bul-Aqbilektiń janyn jegideı jegen qorlyqtyń bastaý alýy.Aryn-janynan artyq kóretin arýdyń ómiri óksikke tolyp, jigeri aıaqqa taptalyp, bolashaǵy oırandalady.Tútinin túzý túzetken týǵan jerine degen ystyq mahabbaty-oqyrman júregin terbeıdi.Azappen arpalysyp, saǵynysh sezimi júregin attaı týlatyp, el-jurtyna oralady.Biraq, bári tym kesh edi.Aqbilek sulýdyń kórgen qorlyǵymen túgeldeı tanysqan aýyl halqy osyny tilderine tıek etip, otbasysynyń qasyqtap jıǵan abyroıyn-shelektep tógedi.Qandaı muńly deseńizshi?! Degenmen, shyǵarmada aqylyna kórki saı názik jandylardyń qaısarlyqpen kún keshýi aıqyn sýretteledi.Birneshe jyldy ótkerip, Aqbilek nárestesin ómirge ákelip, bilim qýyp, jyraqqa ketedi.Kókirek kózi ashylyp, mádenıettilikti pash etetin halyqpen sińisip, ǵumyryn gúldendirip, eski jarany umytady.Ómirine jańa lep syılaǵan keremet kúnder Aqbilektiń jaralanǵan júregin jibitedi.Týyndy sońynda jaqsylyqqa kenelgen arý-qarańǵy túnekti qaq jaryp, kózge túsedi.Qurmeti artyp, jaqyn jandarynyń maqtanyshyna aınalyp, tálkekke toly taǵdyrdy ójettilikke toltyryp, shyńǵa shyǵyp, bıikti baǵyndyrady.Týyndynyń negizgi oıy-qyryq shyraqty jandarǵa baǵyttalady.Qandaı jaǵdaı bolmasyn, kóńilimizge nur túsiretin kúnderdiń oryn alatynyna sene bilýimiz qajet.Tózimdilik pen batyldyqty jyraq qaldyrmaǵanymyz abzal.Taǵdyr synaqtaryna qasqaıyp qarsy turý-adamı qasıetimiz.Shyǵarmamen tanysyp, osy uǵymnyń túbine tereń boılaı tústim...

---