InfoHub Logo

Paýlo Koeloniń aıtýynsha: " Bir  kúni siz oıanǵan kezde siz árqashan qalaǵan nárseni isteýge ýaqyt bolmaıdy. Sol sebepti de qalaǵanyńyz qazir jasaý óte mańyzdy". Sizdiń baqytty bolýyńyzdy jáne armanyńyzdy basqa ýaqytqa qaldyrýdyń qajeti joq, óıtkeni ómir júredi, jyldar ótedi saǵattar jyljıdy. Jaǵdaıdy ózgertý úshin búgin áreket etý kerek.

Neden bastaý kerek? Mine, búgin jasaıtyn 7 keńes:

1. Júregińdi tyńda, ishki túısigińe qulaq sal

Oqıǵalar men ómirdiń tolqýlarynda biz júregimizdi tyńdaýdy umytyp ketemiz. Júrek-bizdiń ómirlik maqsattarymyzdyń kilti, ol bizge ne qajet ekenin jaqsy biledi jáne tek dana keńes beredi. Eger birdeńe jasamas buryn, muny isteýdiń qajeti joq degen sezim bolsa, onda solaı bolady. Bul túısik jáne ony tyńdaýdy úırený kerek.

2. Oqý kóp nárseni bilýdi bildiredi

Oqý basqa zattardan qaraǵanda áldeqaıda paıdalyraq. Oqý qıaldy, oılaýdy damytady. Oqý sózdik qoryn arttyrady, sondyqtan bizdi senimdi etedi jáne qarym-qatynasqa kómektesedi. Sondyqtan siz buryn bilmegen nárseni oqyp, bilýińiz kerek. Sonymen qatar, ǵalymdar oqý stress deńgeıin tómendetedi dep málimdeıdi.

3. Ózińizdiń jeke rásimderińizdi jasańyz

Tańerteńgi kofe ishý rásimi, duǵa etý, keshke kitap oqý nemese demalys kúnderi tańǵy as ishý-rásimder ómirdi ádemi ári maǵynaly etýge qol ushyn sozady

4. Armandaryńdy shyndyqqa aınaldyr

Árıne, árkim ózderi qalaǵan nárseni jasaı almaıtyndyǵyna myń túrli sebep oılap tabýyna bolady jáne olar ózderin aqtap alýy múmkin. Biraq “búgin isteýge bolatyn jumysty erteńge qaldyrmańyz", - dep beker aıtpaıdy ǵoı.Eger muny kóptegen adamdar jasaǵan bolsa, onda muny jasaýǵa sizdiń de qolyńyzdan keletindigin esten shyǵarmańyz.

5. Jaqsy ortada ýaqyt ótkizińiz

"Maǵan seniń dosyń kim ekenin aıt, Men seniń kim ekenińdi aıtamyn"degen sózdi bári bileıin shyǵar. Ómir unatpaıtyn adamdarmen sóılesý úshin tym qysqa. Qorshaǵan orta bizge qatty áser etedi, sondyqtan júrekke shynymen qymbat adamdardy ǵana óz ómirimizge kirgizý kerek.

6. Tabıǵat aıasynda kóbirek serýendeýdi ádetke aınaldyryńyz

Tabıǵat aınalasynda ómir súrý-bul adam úshin baqyt. Biraq eger olaı bolmasa, onda siz tabıǵatta kóbirek ýaqyt ótkizýge tyrysýyńyz kerek. Taza aýada serýendeý ımýnıtetti arttyrady, bul endi eshkimge artyq bolmaıdy.

7. Ótkendi jiberip, qazirgi ýaqytpen ómir súrý

Bári eski kúnderdi eske alady, múmkin ótken kezde bolǵan oqıǵalar sizdi belgili bir qıal álemine jetelese de onyń ótken kez ekendigin túsiný kerek. Ómir osynda jáne qazir bolady. Ótkendi únemi oılaǵanda, ádemi, baqytqa toly qazirgini jáne bolashaqty qurý múmkin emes. Ótken qatelikterden úırený jaqsy, biraq ótkenmen ómirsúrý múmkin emes. Óz energıańyzdy bolashaqta ne istegińiz keletinine baǵyttaý kerek. Sol sebepti búginmen ómir súrińiz.

"Turan" ýnıversıteti jýrnalısıka mamandyǵynyń 3-shi kýrs stýdenti Qadylbekova Adema

---