InfoHub Logo

Ómirdegi barlyq adamdar bir orynda otyrýdan sharshaıdy jáne bir nárse jasaýdy bastaǵysy keledi. Keıde kóptegen adamdarǵa shabyt jetispeıdi, tipti eger olar bir jumysqa kirisse de, olar kóp uzamaı ol jumysty da tastaıdy, óıtkeni olardy alǵa ıtermeleıtin is-áreketke degen motıvasıanyń joqtyǵy basty sebep bolady. 

Buǵan jol bermeý úshin adamǵa árdaıym belgili bir motıvasıa mólsherin nemese shabyt alý kerek. Siz ony bárinen izdeı alasyz, kóbirek oqyp, kún saıyn súıikti isińiz týraly kóbirek bile alasyz.

Sondaı-aq, bir mejelengen orynda otyrmaı,  jumysyńyzdyń sapasyn jaqsartyp, basqa jospsrlaryńyzdy iske asyrýyńyz tıis. Barǵan saıyn keremet jáne qyzyqty jobalar jasańyz jáne basqa adamdardyń syn-pikirlerin qabyldamańyz, óıtkeni “bes saýsaq birdeı emes” barlyǵyna jaǵý múmkin emes. Árqashan  adamnyń istegen is-áreketin unatpaıtyn adamdar tabylady.

Motıvasıany qaıdan alýǵa bolady?

Ony barlyq jerden tabýǵa bolady. Ómirde kóp nársege qol jetkizgen tanymal tulǵardyń tabysqa jetý tarıhy nemese ártúrli kitaptar oqyp, tanymdy mazmundy fılmderdi kórýge bolady.

Keıbireýler josparlanǵan jumysty keıinirek bastaýǵa bolady dep oılaıdy, biraq olaı emes. Jańa nárseni úırenýge eshqashan erte nemese kesh emes, ony dál qazir qolǵa alý qajet. Munyń bári-otyrǵan jerińizden turyp, aldyǵa qaraı alǵashqy qadamdardy bastaý. Árıne, bári birinshi ret nátıje bermeıdi, biraq kishkentaı serpilistermen, kishkentaı nyq qadamdarmen adam óz maqsatyna jetedi.

Eń bastysy - týra joldan aýytqymaý jáne qatań baǵytta qozǵalý. Ádette adamdardy mazalaıtyn nárse - olardyń jalqaýlyǵy men óz qabiletterine degen senimsizdigi, biraq barlyǵy  birinshi ret bastap,  birden jetistikke jete bermeıdi, adamǵa maqsatyna jetý úshin birneshe aılar, keıde tipti ondaǵan jyldar qajet ekendigin túsiný kerek.

Endi oılanyp kóreıik -" meniń basqalardan qaı jerim kem?». Eger basqanyń qolynan kelse, onda meniń qolymnan da keledi, tek ózińizdi aqtaýǵa degen sebepterdi oılap tabýdy toqtatý qajet. Bireý úshin emes, ózińiz úshin birdeńe jasaýdy bastaý kerek. Osyny túsingen adamnyń jumysqa degen yntasy artady.

İs-áreketke yntalandyrý: birneshe keńester

1. Motıvasıalyq fılmder kórińiz

Ómir úlgisi sıaqty eshteńe yntalandyrmaıdy. Kıno-jańa jetistikterge shabyt alýdyń tamasha tásili. Janyńyzǵa jaqyn, kóńilińizden shyǵatyn qyzyqty ári mazmundy fılmder kórýdi jaqsy ádetke aınaldyryńyz.

2. Óz ómirińizdi jeńildetińiz

 Ómir qanshalyqty qıyn bolsa, soǵurlym onyń motıvasıasy azaıady. Ómirdi jeńildetý is -áreketke úlken motıvasıa beredi. Sol sebepti de barlyǵyna jeńil qarap, ómirdiń tek baqytty sátterin ǵana esińizde saqtańyz.

3. Ózin-ózi damytýmen aınalysyńyz 

Ózin-ózi damytý óte paıdaly. Dál osy nárse adamdy maqsatyna jetýge ıtermeleıdi.

4. Salaýatty ómir saltyn ustanyńyz

Bul adamǵa basqa nárselerdi jasaý úshin qýat beredi. Biraq bul sizge qatań dıetalarǵa otyrý kerek degendi bildirmeıdi. Joq, tek kókónisterdi kóbirek jep, durys tamaqtanýdy bastańyz. Al, kúndelikti ómir saltyńyzǵa fızıkalyq belsendilikti qossańyz,ózińizdi áldeqaıda jeńil sezinessiz. Adam sportpen shuǵyldanǵan kezde dene baqyt gormondaryn shyǵarady.

5. Pozıtıvti kóńil-kúı

Pozıtıvti adamdarǵa jumysqa kirisý, jańa tanystar, jańa dostar tabý áldeqaıda jeńil.Eger adam ózin yntalandyrǵysy kelse, onda ol árqashanda pozıtıvti kóńil kúıde bolǵany oń áserin tıgizedi.

"Turan" ýnıversıteti jýrnalısıka mamandyǵynyń 3-shi kýrs stýdenti Qadylbekova Adema

---