InfoHub Logo

 "Para alyp, ókilettigin asyra paıdalandy" — Jambyldaǵy sheneýnik Toqaevtan kómek surady

Jambyl oblysy boıynsha kóliktik baqylaý ınspeksıasynyń bas mamany Nursultan Bolatbekov ınspeksıa basshylyǵyn jemqorlyqqa barǵany úshin aıyptap, el prezıdenti Qasym-Jomart Toqaevtan tikeleı kómek surady.

Bolatbekov taratqan vıdeomálimdemede, ınspeksıa basshysy men bólim basshysy júıeli túrde para alyp, aqsha jınaýmen aınalysqanyn, al bul áreketterge qatysýdan bas tartqan ózin birneshe jyl boıy qýdalap, qysymǵa alǵanyn ashyq aıtqan.

— "Maǵan zańsyz áreketterge qatysýǵa qysym kórsetti. Para alýǵa, aqsha jınaýǵa májbúrleýge tyrysty. Qarsy bolǵanym úshin jumysta qýdalandym. Men bul týraly barlyq ınstansıaǵa shaǵymdandym, biraq nátıje bolmady. Endi Prezıdentten arasha suraımyn," — deıdi ol vıdeoda.

Onyń aıtýynsha, jemqorlyq derekteri birneshe jyl boıy jalǵasyp kelgen. Bolatbekov sońǵy úmit retinde bul áreketterdi jarıa etýge májbúr bolǵanyn aıtady.