InfoHub Logo

Pavlodar  oblysy Kachır aýdany Trofımovka orta mektebinde elimizdegi asyq oınaıtyn alǵashqy ústel jasaldy, dep habarlaıdy pavlodarnews.kz tilshisi.

 Ideıa avtory Berik Ábdirahmanovtyń aıtýynsha, ústeldiń dıametri bir metrdi quraıdy.

  - Mektebimizde toǵyzqumalaq úıirmesi bar, onda toǵyzqumalaqtan basqa doıby, shahmat jáne asyq oıyndary úıretiledi. Ár oıynnyń arnaıy ústeli bar, al asyq oınaıtyn jıhaz joq. Sondyqtan arnaıy ústeldi jasaýǵa bel býdym, - deıdi B. Ábdirahmanov.

Trofımovka orta mektebinde qazaq tili men ádebıet pániniń muǵalimi bolyp eńbek etetin Berik Ábdirahmanovtyń aıtýynsha, bul - asyq oınaıtyn ústeldiń úshinshi túri.

-Birinshi túri tórt buryshty bolǵan edi, keıin ony segizburyshty etip jasadym. Alaıda sheńberlisi eń yńǵaılysy degen tujyrymǵa keldim. Aldaǵy ýaqytta muny da túrlendirýdi oılap otyrmyn. Sebebi utyp alǵan asyqtardy ornalastyratyn arnaıy jerler joq. Ústel hantalapaı oıynyna arnalǵan, - dep atap ótti avtor.

37 jasar sheber keleshekte qazaqtyń ulttyq oıyny saqany úıirmege engizýdi josparlaýda. Aıtýynsha, dalada ótkiziletin oıynǵa arnaıy oryn da belgilenip qoıǵan.

---