InfoHub Logo

 

Shymkentte eki mektep dırektory ashyq konkýrspen taǵaıyndaldy. Mektep dırektorlaryn taǵaıyndaý isi qala ákimi Ǵabıdolla Ábdirahymovtyń tikeleı qadaǵalaýynda.

Bilim uıasynyń basshylaryn ashyq konkýrs arqyly irikteý týraly oıyn qala basshysy tamyz keńesinde aıtqan bolatyn. Osyǵan oraı Ǵabıdolla Ábdirahymovtyń tóraǵalyǵymen einshi ret qalalyq bilim bólimine qarasty №118 Kókbulaq jalpy orta mektebi men №71 jalpy orta mektebi dırektorlarynyń bos laýazymdyq qyzmetine ashyq konkýrs ótkizildi.

Alǵashqy synaq boıynsha oblys ortalyǵyndaǵy eki bilim uıasy basshylyǵyna úmitkerler tańdaldy. Úmitkerlerdi dırektorlyq qyzmetke taǵaıyndaýdyń jańasha úrdisi, eń aldymen, sybaılas jemqorlyqtyń aldyn alý úshin taptyrmas tásil.

Taǵy bir ońtaıly tusy – dırektorlyq laýazymǵa óz isiniń bilgirleri ǵana tańdalyp alynady. Mundaı tájirıbe tústikte tuńǵysh ret qoldanylyp otyr. Komısıa músheleri mundaı súzgiden ótip baryp taǵaıyndalǵan dırektor kadr sapasyna jeńil-jelpi qaramaıtynyn aıtyp ótti.

Mektep dırektorlyǵyna úmitker

Alǵashqy syn boıynsha №71 jalpy orta mektebiniń basshylyq laýazymynan 6 úmitker komısıa qabyldaýyna qatysty. Solardyń ishinen mektep dırektorlyǵy laýazymyna Orynbaı Qamysbaev laıyq dep tanyldy.

Al №118 jalpy orta mektebin basqarýǵa 2 úmitker kelip, biliktiligi, basshylyq qabileti jaǵynan Ábý Qalmurat Ábenuly osy laýazymǵa laıyq dep tanyldy.

Úmitkerlerdiń jeke-jeke Qazaqstan Respýblıkasynyń zańdaryn qanshalyqty biletini, quqyqtyq normatıvtik qujattar, ujymdy basqarýdaǵy, oqý ádistemelik prosesin jaqsartý jolyndaǵy biliktiligi sarapqa salyndy.

Qala ákimi baspasóz qyzmetiniń habarlaýynsha, buǵan deıin mektep dırektorlary bilim basqarmasynyń uıǵarymymen ǵana taǵaıyndalatyn. Shahar basshysy aldaǵy ýaqytta qaladaǵy mektepterdiń barlyǵyna baqylaý júıesin engizetinin jetkizdi.

http://www.otyrar.kz

---