InfoHub Logo

 

Shymshaharda monorelsti kólik júıesi engizilýi múmkin. Jergilikti ónertapqysh usynǵan joba qoldaý tapsa, jyldam ári qaýipsiz troleıbýs jolaýshylardy tasymaldaıtyn bolady.

Shymkenttik ónertapqysh Mahmud Tursynovtyń aıtýynsha, qalanyń bir núktesinen kelesi ornyna deıin 15 mınýtta jetýge bolady. Tez, arzan ári esh kedergisiz. Ol úshin jer betinen bes metr bıiktikte arnaıy estakada salyp, monorelsti kóliktik júıesin engizý qajet. Bul, birinshiden, qaýipsiz, ekinshiden, keptelisti joıýdyń birden- bir joly.

Mahmud Tursynov, ónertapqysh: «Jol jer betinen 5  metr bıiktikke salynatyndyqtan, eshqandaı kedergi bolmaıdy. Avtobýstar men avtokólikterge de esh kedergisin keltirmeıdi. Sondyqtan , baratyn jerińizge tez arada barýǵa bolady. Ekinshi, elektrlengendikten, jolda júrý aqysy da ádettegiden arzan bolady. Onyń ústine ekologıalyq taza.  Bul — eń bastysy.»

Halqy mıllıonǵa jýyqtaǵan shahar úshin, monorelsti kólik júıesi aýadaı qajet deıdi ónertapqysh. Onyń jobasyn júzege asyrý úshin troleıbýs qajet. Óz oıyn kópshiliktiń aldynda uıalmaı tanystyrýǵa tyńǵylyqty daıyndalǵan azamat jobasyn júzege asyra qalsa, ketetin shyǵyndy 5 jyldyń ishinde-aq óndirip alýǵa bolatynyn aıtady.

Mahmud Tursynov, ónertapqysh: «Monorelsti transporttyń aıaldamalary qalada adam kóp shoǵyrlanǵan jerlerde ornatylady. Aralarynyń qashyqtyǵy eki shaqyrymǵa jýyqtaý bolady. Avtorlyq joba 2010 jyly patenttelgen. Bul jobany qolǵa alyp, qalada iske asyrsaq, tıimdiligi kóp bolar edi.»

25 jyldan bergi ıdeıasyn júzega asyrý úshin baryn salyp júrgen Shymkent kólik, komýnıkasıa jáne jańa tehnologıalar kolejiniń muǵalimi monorelsti kólik júıesin salýdy baǵalap qoıypty. Tipti oıyn júzege asyratyn demeýshiler de tapqan. Endi bar bolǵany qala ákiminiń kelisimi kerek. Jaqyn kúnderi joba qoldaý taýyp jatsa, Shymkentte tez ári qaýipsiz, jer ústi troleıbýstardyń júretin kúni alys emes ekenine senimdi.

http://www.otyrar.kz

---