InfoHub Logo

Pavlodar oqýshylar men stýdentterge qoǵamdyq kólikterde tegin tasymaldaıtyn jeńildik jasaǵan elimizdegi alǵashqy qala atanýy múmkin, dep pavlodarnews.kz habarlaıdy.

Bul týraly qalalyq máslıhat komısıasy músheleriniń otyrysynda TÚKSH bóliminiń sektor meńgerýshisi Marat Asylbekov málim etti. «Mundaı jeńildikke tómengi synyp oqýshylarynan bastap joǵarǵy oqý oryndarynyń stýdentteri ıe bola alady. Ol úshin jylyna 998 mıllıon teńge kerek. Bul aqshany biz esh jerden suramaımyz. Barlyq shyǵyndy tasymaldaýshylar óz moıyndaryna alady. Olarmen ortaq memorandým jasalǵan, qazir osy jaǵdaıdy qarastyratyn bolamyz», - dedi Marat Asylbekov.

Eske salaıyq, Pavlodarda komısıa otyrysynda jergilikti tasymaldaýshylar jol aqysyn kóterý týraly usynys bildirgen bolatyn. Qalalyq kásipkerlik jáne aýyl sharýashylyǵy bóliminiń habarlaýynsha, búgingi tańda AI-92 janarmaıynyń bir lıtri -161,5 teńge, al, dızel otyny - 174,5 teńge. Osyǵan baılanysty TÚKSH bólimi 1-jeltoqsannan bastap Pavlodarda jolaqysyn 70-ten 80 teńgege kóterý týraly usynysyn bildirdi. Bul - tasymaldaýshylardyń qalalyq depýtattarǵa joldaǵan ekinshi ótinishi. Birinshi ret bul másele shilde aıynda kóterilgen. 

---