InfoHub Logo

Týǵan jer, el-adam ómirinde kıeli meken.

Atameken týǵan jer:

shyr etip dúnıege kelgen jer,

kir-qonyndy jýǵan jer,

kińdigindi kesken jer,

kisi bolyp ósken jer,-demekshi árkimge óz týǵan aýyl-qalasy,kent-qystaǵy qymbat.

Meıli týǵan jeri ultaraqtaı bolsada,at tóbelindeı bolsa da adamǵa týyp-ósken el qymbat.Árbir adam týǵan jerin tabıǵatymen,halqynyń aq kóńildiligimen maqtan tutady.Meniń de maqtanýǵa turatyn aýylym bar.

Meniń aýylym-Jańaqala.Jańaqala óziniń sulý da kórikti ózen-kólderimen,ondaǵy qańqyldaq qazymen,suńqyldaq aqqýymen,shyqylyqtaǵan saýysqan,shańqyldaq shaǵala,qarqyldaq qarǵasy,shyryldaǵan shegirtkesimen,jybyrlaǵan jándigimen,saıraǵan bulbulymen qymbat.Osynyń bári men úshin beıne bir jumaq jerindeı.Aýylym tek tabıǵatymen ǵana emes,óziniń án-kúı ónerimen de adamdy baýrap alady.Jańaqala jerinde kúıshiler kóp.Dombyrasyn kúmbirletip kúı tartqan Dına,Qurmanǵazy,Oqap,Mámen syndy kúıshilerimizdi búkil qazaq jurty biledi.Jeztańdaı ánshilerimiz respýblıkalyq baıqaýlardyń jeńimpazy atanyp,aýyl mártebesin kóterýde.

Aýyl turǵyndary ónerli,zeınetker ájelerimizden quralǵan"Ájeler" ansambli ár túrli merekelerde halyq ánderin aıtyp,kórermen yqylasyna bólenip júredi.

Jańaqala jerinde aspanmen talasqan bıik ǵımarattar bolmasa da ,biz úshin bilim alyp otyrǵan mektebimiz záýlim saraıdaı.

Aýylymyzdy kórkem sózdermen sıpattap jazatyn aqyn-jazýshylarymyz da joq emes.Zakarıa Sısenǵalı Jańaqala óńirine arnap birneshe óleńder jazǵan.

Qazaqstannyń eńbek sińirgen jazýshysy Ábish Kekilbaev Jańaqala aýylyna "Qazaq dalasynda kúıdiń astanasy-Jańaqala" dep maqtaý aıtqan.

Ulylardyn kózimen,aqyndardyń sózimen jyrlanǵan Jańaqala jeri osyndaı.

 

Kindik qanym tamǵan jerim,

Týyp-ósken týǵan jerim -

Jańaqala-jeruıyǵymsyń.

Kúıshilerin jyrlatqan,

Aqyndaryn sóıletken,

Jańaqala kún nuryndaı ystyqsyń.

Jaısań jandar mekeni-

Jańaqalam bul meniń.

Sendep soqqan júrekte-

Taýsylmaıdy jyr-ánim-dep elim týraly tolǵanamyn. Men de sábılik pák júrekten týǵan jerimizdi shekiz súemin.Onyń ár tasy men úshin erekshe qymbat. Eseıgende týǵan jer aldyndaǵy perzenttik paryzymdy óteý úshin qolymnan kelgen jaqsylyǵymdy aıamaımyn.

    

Batys Qazaqstan oblysy,
Jańaqala aýdandyq bilim berý bólimi
№3 jalpy orta bilim beretin qazaq mektebi
10 synyp oqýshysy Shaıdollına Aqnur Jankeldyqyzy

 

---