Sońǵy jańartý

(Ózgertilgen ýaqyty 5 saǵat buryn)
Pernetaqta. Perneler toby
Informatıka 5 klass
Sabaqtyń taqyryby: Pernetaqta. Perneler toby.
Sabaqtyń maqsaty:
Bilimdilik: Oqýshylarǵa pernetaqtanyń qyzmetin, ár perneniń qyzmetinin kórsetip, baǵyt - baǵdar berý.
Damytýshylyq: Óz betimen qorytyndy shyǵaryp, oılaryn ashyq aıtý jáne oılaý qabiletterin damytý, este saqtaý, tapqyrlyq qabiletterin damytý.
Tárbıelik: Oqýshylardyń pánge degen qyzyǵýshylyǵyn arttyrý.
Sabaqtyq túri: Jańa sabaq
Sabaqtyń ádisi: juptyq, toptyq jumys, «Mıǵa shabýyl» strategıasy, suraq - jaýap, kóshbasshylyq,, «Eki juldyz, bir tilek»
Kórnekilik: DK, slaıdtar, toptarǵa arnalǵan tapsyrma paraqtary,
Paıdalanǵan ádebıetter: Informatıka 5 - synyp, E. A Vúshkova, N. V. Paraskýn, B. Q. Ábenov

Sabaqtyq barysy:
İ Uıymdastyrý kezeńi:
a) oqýshylar tizimi, kabınet jaǵdaıy, sabaq barysymen tanystyrý
á) oqýshylardy 1, 2 dep sanaý arqyly topqa bólý. Top basshysyn saılaý.
1 - top: Pernetaqta.
2 - top: Perneler toby.

İİ. Úı tapsyrmasyn suraý.
«Mıǵa shabýyl» strategıasy
1 - top: Pernetaqta.
1. Kompúter degen ne?
2. Kompúter qandaı fýnksıalardy oryndaıdy?
3. Kompúter programmasyz amaldar oryndaı ala ma?
4. Qandaı kompúterlik programmalardy bilesiń?
2 - top: Perneler toby.
1. Kompúter qaıda jáne qalaı qoldanylady?
2. Kompúterdiń qandaı túrleri bolady?
3. Derbes kompúterdiń túrlerin atańdar
4. Kompúterdiń negizgi qurylǵylaryn atańdar.

Jańa sabaq
- Al, endi balalar búgingi sabaǵymyzdyń taqyrybyn jumbaq sheshý arqyly tabaıyq.
1. Bir saraıda turady eken,
Bes atanyń balalary
Qydyrmashy bireý,
Bir kún bar da, bir kún joq
Sony esepke alsaq,
Uzyn sany júz bir.
(pernetaqta)
2. Pernetaqta aýylynda turatyn,
Pernelik degen atanyń
Bar eken 12 aǵaıyndy
Nemereleri alǵashqy.
Esimderi de ózderiniń bir qyzyq,
Tek qana “F”(ef) árpinen bastalady.
(fýnksıonaldyq perneler)
Búgingi sabaǵymyzdyń taqyryby:. Pernetaqta. Perneler toby.

1. Oqýlyqpen jumys. Ár oqýshy óz betinshe taqyrypty oqyp túsinedi, jupta taldaıdy, topta taldaıdy. Posterge túsiredi.
Synı turǵydan oılaý arqyly berilgen tapsyrmany qorǵaıdy.
Pernetaqta
Pernetaqta – kompúterge aqparat engizý qurylǵysy. Pernetaqtada pernelerden basqa ındıkatorlar da bar.
Indıkatorlar – pernetaqtanyń qandaı rejımde jumys istep turǵanyn kórsetetin kishkene shamdar
Perneler birneshe blokqa bólinedi:
- sımvoldyq perneler. Ol pernetaqtanyń negizgi blogy. Onyń kómegimen kez kelgen alfavıtti - sıfrlyq aqparatty engizýge bolady. Bul blokta latyn, orys, qazaq áripteri, sıfrlar, tynys belgileri jáne basqa da sımvoldar ornalasqan., (alfavıtti - sıfrlyq jáne tańbalyq perneler: bos oryn, 0 - 9 deıin sıfrlar, A - Z latyn áripteri, A - Ia kırıllısa sımvoldary, tynys belgileri, «+», «-», «*», «/», arnaıy sımvoldar jáne t. b.), pernetaqtanyń ortasynda ornalasqan.
- fýnksıonaldyq perneler: Ǵ1, Ǵ2,..., Ǵ12. Olar kompúterdiń kúrdeli operasıalaryn tez oryndaý úshin qoldanylady. Ár túrli programmada olar ártúrli qyzmet atqarady.
- nusqaǵysh perneler - meńzerdi ekran betinde basqarý
- sıfrlyq perneler, olar Num Lock pernesi qosylyp tursa sandardy engizýdi, aıyrýyl tursa meńzerdi basqarý operasıalaryn iske asyrady. oń jaqta bólek ornalasqan.
- arnaıy operasıalar perneleri, olar:
Enter - eń negizgi perne, operasıanyń aıaqtalǵandyǵyn kórsetedi.
Esc – Baǵdarlamany aıaqtaý pernesi, operasıany boldyrmaý nemese operasıalar tizbegine keri qaıtýdy oryndaıdy.
Tab – Meńzerdi bir basqarý pozısıasynan basqasyna aýystyrady.
Ctrl – arnaıy áreketter úshin qoldanylady.
Alt – arnaıy áreketter úshin qoldanylady.
Backspace – meńzerdiń sol jaǵyndaǵy qate sımvoldy óshiredi.
Caps Lock – bas áripter rejımin iske qosady jáne aıyrady.
Shift – perneniń qosalqy mánin alý úshin qoldanylady.
Windows – Pýsk menúin ashý shin qoldanylady.
- meńzerdi ekran betinde basqarý jáne redaksıalaý perneleri, olar:
Insert – sımvoldardy aýystyrý jáne engizý rejımin qosady.
End – meńzerdi jol sońyna jyljytady.
Home – meńzerdi jol basyna jyljytady.
PageUp – meńzerdi bir betke joǵary jyljytady.
PageDown – meńzerdi bir betke tómen jyljytady.
Left – meńzerdi bir orynǵa solǵa jyljytady.
Right – meńzerdi bir orynǵa ońǵa jyljytady.
Up – meńzerdi bir jolǵa joǵary jyljytady.
Down – meńzerdi bir jolǵa tómen jyljytady.
Delete – meńzerdiń oń jaǵyndaǵy sımvoldy óshiredi.
Meńzer.
Meńzer – ekranda jypylyqtap turatyn belgi. Meńzer ekranda alfavıtti - sıfrlyq perneni basqanda sımvol qaı jolǵa engiziletinin kórsetedi. Sımvoldy engizgennen soń, meńzer ońǵa qaraı bir qadam jyljıdy. Meńzerdiń ekranda paıda bolýynyń máni – alfavıtti - sıfrlyq aqparatty engizýge shaqyrý. Enter pernesin basý arqyly aqparatty engizý aıaqtalady.

Sergitý sáti: «Maımyl» oı sergek. Maımyl rólindegi oqýshy óz synyptasynyń jasaǵanyń dál sol qalpynda qaıtalaıdy.
Deńgeılik tapsyrmalardy oryndaý:
A deńgeıi: Pernetaqta qandaı qurylǵy ekenin aıtý.
V deńgeıi: Ár perneniń qyzmetin bilý
S deńgeıi: "Pernetaqta" sózine sózjumbaq qurastyrý

Praktıkalyq jumys.
1. Kompúterde Bloknot programmasynda mátin terý.
Uzyntura Jalqaýbek,
Turmaı ylǵı jatady.
Qozǵala qalsa artynan,
Eshbir belgi qalmaıdy.
(bos oryn)
2. Ekrannyń betinde onyń turaǵy,
Qashan bolsyn jypylyqtap turady
(meńzer)
3. Kemirýshige uqsaıdy syrt beınesi,
Túsi onyń sur, quıryǵy uzyn.
Oılanyp, bilgish bolsań jaýap bershi,
Qalaı dep atalady aty onyń
(tyshqan)

İÚ. Jańa sabaqty qorytý
Pernelerdiń qyzmetin qaıtalap shyǵý: Esc, Tab, Caps Lock, Sfift, Enter, Delete, Backspace, Num Lock. Oqýshylar kezektesip aıtyp shyǵady.
1. Kompúterge aqparattardy nemen engizemiz?
2. Pernetaqta degenimiz ne?
3. Pernetaqtanyń bólikterin ata.

Y. Baǵalaý. "Eki juldyz bir tilek" strategıasy boıynsha toptar birin - biri baǵalaıdy. (eki unaǵan nárse, bir usynys)

Yİ. Úıge tapsyrma. § 6, baqylaý suraqtaryna jaýap berý
Refleksıa: «Baǵdarsham»
• Qyzyl tús: «Sabaq óte qyzyqty boldy, men sabaqta belsendi qatysyp otyrdym. Bergen tapsyrmalardyń bárin oryndadym»
• Sary tús: «Sabaq unady. Men orynda otyryp jaýap berdim. Tapsyrmalarda qıyn bolǵan joq. Sabaqta ózimdi erkin sezindim».
• Jasyl tús: « Sabaqtyń esh bir paıdasy bolmady. Muǵalimniń aıtqanyn túsinbeı otyrdym. Úıge bergen tapsyrma túsiniksiz»

You Might Also Like

Jańalyqtar

Jarnama