InfoHub Logo

Prezıdent Toqaev Qazaqstan halqynyń birligi kúnimen quttyqtady,dep jazady Infohub.kz tilshisi.

Memleket basshysy Qasym-Jomart Toqaev 1 mamyr – Qazaqstan halqynyń birligi merekesine oraı elimizdiń barlyq azamattaryn quttyqtap, júrekjardy lebizin bildirdi.

Prezıdent bul meıramnyń elimiz úshin erekshe mańyzǵa ıe ekenin atap ótip, Qazaqstanda túrli etnostardyń ózara tatýlyq pen kelisimde ómir súrip jatqanyn aıtty. Qoǵamdaǵy yntymaq pen birlik – Táýelsiz Qazaqstannyń basty tiregi ekenin jetkizdi.

– Bıyl Qazaqstan halqy Assambleıasynyń qurylǵanyna 30 jyl tolyp otyr. Bul biregeı ınstıtýt el ishindegi turaqtylyq pen qoǵamdyq kelisimdi nyǵaıtýǵa eleýli úles qosyp keledi. Halqymyzdyń aýyzbirshiligi men ózara qoldaýynyń arqasynda memleketimiz dáıekti damý jolymen alǵa basyp keledi. Biz teńdik, senim jáne mádenı ártúrlilikti qurmetteý arqyly el birligin odan ári bekemdeı túsemiz, – dedi Qasym-Jomart Toqaev.

Prezıdent óz úndeýinde el azamattaryn ádiletti jáne qýatty Qazaqstandy birge qurýǵa shaqyryp, ár otbasyǵa amandyq pen bereke tiledi.

– Eger jurt bolyp birige bilsek, kez kelgen qıyndyqty jeńip, úlken jetistikterge qol jetkizemiz. Birligimiz bekem, aspanymyz ashyq bolsyn! – dep túıindedi Memleket basshysy.