InfoHub Logo

Avtor:
— Qadir Myrzalıevtyń balalyq shaǵy — ashtyq, repressıa,  soǵys jyldarymen tuspa-tus ótken.  Sol kúnderdiń birinde,  aýylǵa Aqtóbeden áýesqoı ártister konsert qoıyp keledi.
1-bala:
— Jigitter,  búgin Jympıtynyń mádenıet úıinde konsert bolady eken.  Baramyz ba?
2-bala:
— Aqsha joq qoı?  Qalaı kóremiz?
3-bala:
— Terezesinen kireıik?
4-bala:
— Júrińder! Qadir júr?
(Arasynda bir bala salmaqty, oıly keıippen, dostarynyń sońynan ketedi. Sosyn uldar sahnaǵa qaıta shyǵady.)
Qadir:
— Jigitter, jańaǵy «On alty qyz» degen án qandaı keremet jazylǵan, ıa? Tyńdap otyryp men klastaǵy on alty ul týraly oılap kettim.  Tipti alty shýmaǵyn jazyp ta tastadym!
1-bala:
— Qane,  ákelshi?!
2-bala:
— Mássaǵan,  mynaýyń keremet óleń ǵoı?
3-bala:
— Ákelshi,  kóshirip jazyp alaıyn?
Avtor:
— Osy óleńnen keıin,  Qadir «aqyn bala» atanyp ketedi.  Ári úsh jylǵa deıin óleń jaza almaı qalady. Keıin qaıta shabyttanyp, bir qalyń dápter óleńder jınaǵyn jazady. 
(Sahnaǵa eki bala shyǵady. Biriniń qolynda Qadirdiń óleń dápteri.)
1-bala:
— Mynany kórdiń ba?(qýlana kúledi)
2-bala:
— Bul ne?
1-bala:
— Qadirdiń óleń dápteri. 
2-bala:
— Ony ne qylasyń?
1-bala:
— Órtep jiberemin.  Kúni-túni bizben oınamaı,  ne sóılespeı,  osyny jazady da jatady.
2-bala:
— Óı, esiń durys pa? Renjitesiń ǵoı dosyńdy?
1-bala:
Renjimeıdi!
2-bala:
— Renjıdi!
1-bala:
— Onda sen bar da,  meniń onyń óleń dápterin órtep jibergenimdi aıt! Ne der eken?  Al men kettim...  Óleń órteýge!
2-bala:
— Aqymaqsyń ba? Qoı deımin?!
1-bala:
— Kettim (Shyǵyp ketedi. Osy kezde dápterin izdep, sahnaǵa Qadir shyǵady.)
Qadir:
— Jigitter,  meniń jyr dápterimdi kórmedińder me?
2-bala:
— Renjimeshi Qadir! Dosyń seniń dápterińdi órtep jiberdi. 
Qadir:
— Nege?
2-bala:
— Bálkim seni óleńnen qyzǵanǵan bolar? Óıtkeni únemi jalǵyz,  jazasyń da otyrasyń? Dosyń seni saǵynǵan bolar?
Qadir:
— Solaı de!  (Oılanyp qalady) Meıli,  órtegeni de jaqsy bolǵan shyǵar?!  İshinde nashar óleńder kóp edi..  Ózim eshqashan órteı almaǵan bolar edim?!
2-bala:
— Sonda sen múldem ashýlanbaısyń ba?!
Qadir:
— Joq!  Men endi tek jaqsy óleńder ǵana jazatyn bolamyn! Óleń degen - oı men sezimniń ar jaǵy. Men — qazaqpyn! Al qazaqtyń ulttyq tili — óleń.  Qaıta jazatyn óleń úshin,  qaıta týmaıtyn dosyma qalaı renjıin?!
2-bala:(Qadirdi qushaqtap)
— Qadir,  sen rasynda naǵyz uly aqyn bolatyn jigitsiń!  Biz áli seniń jyrlaryńdy jatqa oqıtyn bolamyz!
Qadir:
— Dostyq júrekke sıady,
Aqylǵa syımaıdy,- dosym.
Sol úshin keshirem, 
Dosymnyń oıynyn.
2-bala:
— Jaraısyń, dosym! Júrshi..  Apam búgin et asyp jatyr. Úıge baryp, jaqsylap áńgimeleseıik?!
Qadir:
— Solaı ma? Neǵyp turmyz onda?  Tezirek barmaı? Kettik?!
(Ekeýi ketedi)

G. Qasenbaı

---