InfoHub Logo

Armanyńyzdaǵy ómir qoljetimdi, eger iske kirisýdiń jolyn bilseńiz.

Qatelikter men quldyraýlardan qoryqpańyz

Keıbir adamdar birdeńeden joly bolmasa boldy, ózin beıbaqtar qataryna jatqyza salady. Óz-ózińdi syılaý jumyspen tikeleı baılanysty bolǵanda, kez kelgen qatelik biliksizdigińniń dáleli retinde qabyldanady. Biraq dál osylaı oılaý qarabaıyrlyq sheńberinen shyǵýǵa kedergi. Eger siz quldyraýǵa daıyn bolmasańyz, onda siz óz qatelikterińizden sabaq ala almaısyz jáne jańa eshteńege úırenbeısiz. Al eger úırenbeseńiz, siz eshqashan damymaısyz jáne óspeısiz.

Eger siz tezirek jetistikke jetkińiz kelse, onda sátsizdikter jıiligin eseleýińiz qajet. Sáttilik sátsizdiktiń arǵy betinde.

Tomas Ýotson, IBM-niń tuńǵysh prezıdenti

Sátsizdikter boısunýǵa úıretedi. Olar minezdi qalyptastyrady jáne bárine tym baısaldy qaramaýǵa, óz qatelikterińdi kúlip qabyldaýǵa múmkindik beredi.

Árdaıym ilim úırenińiz

Kóptegen adam bilim alyp, ózin-ózi damytýdyń ornyna bos ýaqytyn oıyn-saýyqqa jumsaıdy. Bunyń sebebi de bar, óıtkeni oqý qıyn. Bireýden kómek suraý, árdaıym jetilip otyrý, sátsizdikterge tap bolý — munyń bári ońaı emes.

Qaıtalaý qyzyq emes jáne jalyqtyrady, sondyqtan bir nárseni tolyq meńgeretin adam az. Birdeńeni úırený ońaı bolmaıdy, biraq esińizde bolsyn:

- Kúndelikti, bilim alýǵa bólgen ýaqytyńyzda, mıllıondaǵan adam qolyna kitap almaıdy.

- Ár tańda, erterek is tyndyrý úshin oıansańyz, basqalar uıyqtap jatady.

- Kúndelikti, alǵa umtylǵanyńyzda, mıllıondar berilip jatady.

Qalaǵanyńyzǵa qol jetkize alatynyńyzǵa senińiz

Júreginiń túbinde, kóptegen adam ózin tabysty etetin qasıetterge ıe emespin dep esetpeıdi. Jáne beısanaǵa quıylǵan bul oı ózdiginen oryndala bastaıdy: eger siz ózińizge senbeseńiz, sizdiń qolyńyzdan eshteńe kelmeıdi.

Baı bolyp ketetinine senbeıinshe, baı bolýǵa eshkim de daıyn emes.

Napoleon Hıll, «oılan jáne baıy» kitabynyń avtory

Bir nársege jetsem dep mıyńyzdy baǵyttaǵanda, ol sol jolda jumys isteı bastaıdy.

Aqshaǵa nemese joǵary laýazymǵa emes, jańa tájirıbege, óz-ózińdi damytýǵa asyǵyńyz.

Adamdar ómirde neniń qundy ekenin bilmegendikten jıi baqytsyzdyqqa ushyraıdy. Qazir kez kelgen adam «sarapshy» nemese «basshy» bola alady. Eger tek aqsha men laýazymdardyń artynan qýsańyz, sońynda qulazý men zaryǵýǵa tap bolasyz. Synaqtar men ózindik damý arqyly úırený — basty qundylyq bolýy tıis.

Baqytty da, tabysty da jaýlap alý múmkin emes, ol ózi paıda bolýy kerek.

Vıktor Frankl, avstrıalyq psıhıatr, psıholog jáne nevrolog

Kóptegen adam óz ómirin aqsha, qaýipsizdik, moıyndatý sıaqty bos dúnıeniń artynan qýýmen ótkizedi. Biraq munyń bári siz umtylǵan dúnıeni bermeıdi. Sol sebepti joǵary laýazym men basqalarǵa áser qaldyramyn deýdiń tóńireginde shyrǵalanyp qalmańyz. Ózińizben maqtana alatyn adam bolýǵa tyrysýdy kózdeńiz.

Kórealmaýshylyqtan arylyńyz, ózińizben kóbirek jumys isteńiz

Kórealmaýshylyqpen ótikzgen ár ýaqyt — zaıa ketken ýaqyt. Eger basqalarǵa jaltaqtaı berseńiz, ózińiz óz bolýdan qalasyz. Kózqarastar men áreketter toǵyspaǵan kezde siz ózińizdi baqytsyz sezinesiz. Sondyqtan basqalardyń tabysyn qyzǵana bermeı, ózińizben jumys isteńiz.

Úırenińiz, tájirıbe jasańyz, qatelikter jasap, neniń burys, neniń durys istemeıtinin anyqtańyz. Siz ýaqyt óte jyldamdyǵyńyzdy artyryp maqsatyńyzǵa jaqyndaısyz.

- Nyshanasyzdyqtyń ornyna jetistikti tańdańyz.

- Oıyn-saýyqtyń ornyna bilim alýdy tańdańyz.

- Kórealmaýshylyqtyń ornyna ózińizdi damytyńyz.

- Basqalardyń qalaýlaryn emes, óz qalaýyńyzdy tańdańyz.

---