InfoHub Logo

1 tamyz – 30 qyrkúıek aralyǵyn qamtıtyn respýblıkalyq «Mektepke jol» aksıasy kópshilik qaýymnyń balalarǵa degen meıirim-shapaǵatymen dástúrge aınalyp, jarasymdy jalǵasyn taýyp kele jatqanyna da biraz jyldar boldy. Jyl saıyn mınıstrlik «Mektepke jol» aksıasyn áleýmettik az qamtylǵan otbasylarǵa qaıyrymdy kómek retinde ótkizedi. Bul aksıa ata-analar jáne ártúrli salada qyzmet atqaratyn belsendi, beldi jomart adamdar tarapynan qoldaý taýyp, búgingi kúni birneshe balaǵa jylýlyq pen meıirim syılap otyr. Kúnkórisi tómen otbasylarda tárbıelenip jatqan balalardy qoldaýǵa baǵyttalǵan aksıanyń kózdegeni — áleýmettik jaǵdaılar saldarynan 1 qyrkúıekte mektepke barýǵa múmkindigi joq balalarǵa járdem berip, mektepke tartý. Bıylǵy aksıa «Meniń tańdaýym — balalarǵa kómek berý»  uranymen ótkizilip jatyr.  

Áleýmettik jaǵdaıy tómen otbasylarǵa balany mektepke daıyndaý ońaı sharýa emes. Osy qaıyrymdylyq kórsetý aılyǵynyń kóptegen otbasylarǵa septigi tıip, jaqsylyq jasap, alǵysqa bólenip jatqany qýantarlyq jaǵdaı. Ataýly aksıadan mektebimizdiń ustazdary da shet qalmady.

Bizdiń 173 mektep-lıseı oqýshylary da osyndaı qaıyrymdylyq aıynda nazardan tys qalmady. Qol ushyn sozyp, kómek kórsetken qaıyrymdy jandar janymyzdan tabylyp jatty. Amıreshova Baǵıla Soltanaevna, Omarova Aıaýlym Serıkkajıevna syndy azamatshalar  birneshe balaǵa mektep formasy men oqýǵa kerekti qural–jabdyqtaryn syıǵa tartty.

Sonymen qatar oıyn–saýyq ortalyqtarynyń dırektorlary balalarǵa arnalǵan ártúrli qoıylymdarǵa tegin bılet berip otyrdy. Osyndaı jaqsy adamdardyń ıgilikti isteriniń arqasynda balalarymyz alańsyz bilim alýǵa asyǵýda. Júzderin qýanysh kernegen balalardyń alǵysy sheksiz jáne óte rıza. Memleket tarapynan uıymdastyrylyp otyrǵan osyndaı sharalarǵa kópshiliktiń atynan tek qana alǵysysymyzdy bildiremiz. «Bir kúnde, bir jaqsylyq» demekshi aınalamyzdaǵy balalarǵa jaqsylyq jasaýǵa asyǵaıyq.!

«№173 mektep-lıseı» KMM    
Áleýmettik pedagog: Álipbaeva Danagúl Sáýlebekqyzy

---