InfoHub Logo

Qaraqan bastyń qamymen
Qorǵalaı berme, qandasym,
Qazaqtyń atqan tany men
Azattyq jolyn tańda shyn!..

Avtor

«Qazaqstan!» degende – janarymnan jas parlap, meniń búkil álemim – júregimde erek tolqý oıanyp, aǵyl-tegil sezim kúıim bastalmaq, qaıran, qaıran, qazaǵymnyń ulan-baıtaq keń ólkesi kósilgen, túlep ushqan tósińnen: neshe bir áýlıeń men batyryń da, abyzyń men aqynyń da, kósemiń men shesheniń de, taý tulǵaly qyrandaryń, el qorǵany - ulandaryń, shyńda ósken shynarlaryń, dúıim jurty - qabyrǵaly elimniń, ıesi sen, ıesi sen, ıesi sen(!) - qaraǵanda kóz talardaı, kórgen adam tańǵalardaı sheksiz Dala, jerińniń: qoınaýynan qut-bereke tasyǵan, neshe alýan qasiret pen qaıǵy-muńdy san ótkergen basynan, ǵumyrynda qansha azap kórse-daǵy jasymaı, tereńinde jatqan qaınap babalardan qalǵan namys qaınarlary basylmaı, egemendi el bolǵanda saqtap qalǵan amanatyn aqsaqaldy qarttardyń, búginderi toılap jatqan eń mereıli shaqtaryn, Táýelsizdik kúni deımiz baıtaq Qazaqstannyń, kók baıraǵy jelbiregen aıasynda kók zeńgirli aspannyń, saıasynda san alýan ulttar menen ulystardyń japyraǵy jaıylyp, qazaǵymnyń kórgen talaı baýyrlastyq kóńili men qonaqjaılyq peıiliniń darhandyǵyn asqan tym(!), Baba Dalam qansha ǵasyr aza muńdy arqalap, jarqyrap bir týatuǵyn azat kúndi armandap, bógde eldiń bodany bop bastan taǵdyr ótkerdi, bu qazaǵyń dúnıeniń taýqymetin basqalardan kóp kórdi: zobalań men náýbetterdi, rýhanı san dertterdi, biraq rýhyn bıik ustap óshirmeı, el erteńi úshin nebir zıalylar kóz ilmeı, Dalamyzdyń óz aldyna derbestigin kózdedi, zamana da ońnan týyp, etek jınap, esti jıar kez keldi(!), Jeltoqsanda jastarymyz qaralyqtyń túrmek bolsa perdesin, onyń bári ezdik penen eski uǵymdy erlik penen eldik namys jeńgesin(!), kúlli adamzat qulaq túrip oqıǵaǵa osynaý, babalardyń óshpes Rýhy bılep alǵan qazaǵymnyń keýdesin, qandy oqıǵa júrekterde qalatuǵyn máńgi eles, XX ǵasyrdaǵy san alýan revolúsıalyq dúmpýlerden kem de emes(!), sharpýy onyń ketti tarap búkil keńes eline, bizdiń Qazaq týy boldy azattyqtyń órmelegen kógine, balyǵyń da, taýlyǵyń da, Orta Azıań - barlyǵy da,ýkraın, belorýs, tipti orys endi alǵandaı egemendik ózine, erkin qarap demin aldy barsha adamzat kózine, Qazaq eli basqalardyń qatarynan qalar ma, ot-namysy oıanǵandaı jasyn syndy janarda, Elbasynyń bastaýymen, Danyshpannyń qostaýymen, buqarany ertip alyp sońyna, tarttyq bizder Táýelsizdik, Teńdik, Eldik jolyna(!), al osynaý jolymyzdy dana Qudaı ońǵarsyn, alǵa basqan isimizdi Áýlıeler qoldasyn, barsha qazaq, jıylyńdar jer betinde jasaǵan, aramyzda alaýyzdyq, jikke bólý bolmasyn, biz baramyz zańǵarlarǵa asýly, oıan, qazaq, kóter qane basyńdy, seniń búgin shaǵyń naǵyz shabytyńda shalqıtyn, boıdaǵy bar ónerińmen, eńbegińmen, qudiretińmen, bilimińmen, óz betińmen qıalarda qyran bolyp qalqıtyn, o, Jasaǵan, qasıetti uly elimniń qubylaly oń nıetin qabyl qyl, jalpaq jatqan saharany, baıtaǵymdy shýaǵyńa malyndyr, uly Dala-kóshpeliler mekeniniń Búgini - tańnyń araı shapaǵyndaı alaýlaǵan jalyn-nur, o, Qudiret, ǵalamatqa qalaı ǵana senbessiń, birligimiz shaıqalmasa, dúrdarazdyq baıqalmasa, qazaǵymnyń Kókbaıraǵyn jyǵa almaıdy endi eshkim(!!!), alǵa basqan qadamdarǵa qut daryp, El bolaıyq el qatarly myqty, alyp(!), beý, azamat, moıynyńa aýyr zaman júgin il, «Mynaý Qazaq!» degen ataq-dańqyńa júgindir, ulan -urpaq ón boıyna topyraqtyń qasıetin sińirip, sen olardy babalardan qalǵan tarıh, muralarǵa úńildir, Otanymnyń solar bolar kúni erteńgi tiregi, qazaǵym dep soǵý kerek jas kúninen, besiginen balalardyń júregi, sen ózińe myqty bolshy qaı qashanda, baýyrym, azamattar, ózderińde atalardyń, babalardyń, analardyń senimi men tilegi, sol senimnen shyǵatyndaı sara baǵyt turlaýly, shyńǵa qaraı umtyl, qazaq, shyrqaýly, dombyrany bebeýletshi kúıshi jigit, sal jigit, arǵymaqtar júıtkisinshi qaıran Dalam jańǵyryp, uly Toıda - biz shalqıyq Táýelsizdik Kúninde, bazarymyz tarqamasyn, ashyq bolyp aspanymyz máńgilik!

jeltoqsan, 1993 jyl

---